ڕۆمانو ١٣ ی جە دوەتۆو ٣٦٤ پەڕانە بە زاراوەکا کرمانجی، سۆرانی، هەورامی و زازاکی جە لایەنو ناوەندو چاپی و وەڵاکەرڎەیۆ مەدی-وە ئاماڎەکریان. مانگەو ئەیلولی جە چڼین وڵاتێنە و بەتایبەت جە کورڎەسانەنە وەڵا مکریۆوە.

ڕۆمانەکە پېسە بەرهمێوە وێژەیی کوردی جە ٣٢ەمین فیستڤاڵو مېیاننەتەوەیی کولتوری کوردینە جە ٢١ ئەیلولی جە شارو فرانکفۆرتو ئەڵمانیاینە سەرو مېزەو وەڵاکریاوەکا ناوەندو چاپی و وەڵاکەرڎەیۆ مەیمانی نمایش مکریۆ.

ڕازەو ڕۆمانەکۍ باس لە قوتوێوە شاراوێ مکەرۆ کە جە لایەنو بنەیانەو مارینێوە ئا کاتە مارینە تەمەنش ١٣ ساڵۍ مەبۆ جە بانقێوە وڵاتو ئینگلتەراینە هۆرگیریێنە، دماو ئانەی مارینە میاوۆ تەمەنو ١٨ساڵی قوتووەکۍ هۆرگێرۆوە، جە ڕاو چێوە هۊرگیریاکا دلۍ قوتوەکێوە کە جەمۍ سیمبوڵۍ و ژمارە ١٣ش ئینا چنە. مارینە ئاشنا بە ۋییەرڎەی و سەرگوزشتەو بنەیانەکەیش مەبۆ.