مەراسیمو سەوقاتی ڕۆنامەوانی ژەنا غوربەتلی ئەرسۆزۍ ئەنجام مڎریۆ
سەوقاتی ڕۆنامەوانی ژەنا غوربەتلی ئەرسۆزۍ جە ١٧و حوزەیرانی بە مەراسیمێوە پێشکەش بە ڕۆنامەوانا هۊرگیرۍ سەوقاتیەکەی مەکریۆ.
سەوقاتی ڕۆنامەوانی غوربەتلی ئەرسۆزۍ
بانگەوازو بەشداربییەی پەی مەراسیمو بەخشنا و خەڵاتی ڕۆنامەوانی ژەنا غوربەتلی کریا، کە مەراسیمو خەڵاتکەردەی جەلایەن و جەمە و ڕۆنامەوانی ژەنا میزۆپۆتامیا (مەکەگ) ڕێکوزیان. جە ڕۆو ١٧ـو حوزەیرانینە بە مەراسیموە خەڵاتو ڕۆنامەوانی ژەنا غوربەتلی پێشکەش با ڕژنامەوانا کریۆنە.
غوربەتەلی ئەرسۆزە کێنە؟
گوربەتەلی ئەرسۆزە ساڵە و ١٩٦٥ جە دەگا و زڤەری ناوچەو پالۆی خارپیتینە جە ئەڏا بیێنە، وانا و سەرەتاییش جە دەگاکێ وێش و ناوەندیش جە شارو ئەدەنەینە تەمام کەردەن. دما و تەمام کەردە و بەشو کیمیای جە زانکۆو چوکرۆڤای، بڕوانامەو ماستەریش جە بوارو ژیوگەی و وزە بەدەسئاردەن و تاوەکو ساڵە و ١٩٩٣ پێسە و یاریدەدەرو کیمیای هەرمانەش کەردێنە. ساڵە و١٩٩٣ جە ڕۆنامەو ئۆزگور گوندەمینە دەسش بە هەرمانەی ڕۆنامەوانییە کەردێنە. ئەرسۆزە پێسە و یوەمین بەرئاوەرەی ژەنێ جە پەخشێوە گرڏی جە تورکیانە دەربازەو تاریخی بیێنە.
بە مەبەسو یاڏ وستەیۆ ئەرسۆزێ کە جە ٨و تشرینو یوەمو ١٩٩٧ جە هەرێمو کوردەسانینە جە جەنگێوەنە گەشمەرڏێ بییە، ٨و تشرینو یوەمی پێسە و "ڕۆو ڕۆنامەوانا ژەنې کورد" ی ئشناسیا و بییە بە سیمبولەو ژەنە ڕۆنامەوانا. ئەرسۆزە بە هەڵوێسی ئازایانە جە ئەرەیاونای ئازادەنە، سەرمەشقایەتی میدیاو کوردیش کەرد.
