فەرماندەو گرڎینو قەسەدەی مەزڵوم عەبدی ئەرەیاۋناش پەنەوازا جۆلانی ۋنەپەرسایۆ جە هرووژمەکا سەرو عەلەوییەکانە بکەرۆ، ئەرەیاۋناش کە چەتەکۍ سەر بە دۊڵەتو تورکی و لایەنگراو داعشی ۋەرپەرسێنۍ.
فەرماندەی گرڏی هێزەکا سوریاو دیموکراتیکی (قەسەدە) مەزڵوم عەبدی دەربارەو هرووژمو سەرو عەلەوییەکا داواش جە سەرۆکو دەسەو تەحریرو ئەلشام (یهەتەشە) ئەبو محەمەد جۆلانی (ئەحمەد شەرع) کەرد ونە پەرسایۆ جە ئەنجامدەرا کۆمکوژییەکەی بکەرۆ. مەزڵوم عەبدی بە ئەرەیاونێوە نوویسریا قسێش پەی ڕۆیتەرزی کەردێ و ئەرەیاوناش ئەشیێ جۆلانی دەستوەردایش جە کۆمکوژییەکا کەردەبیێ.
عەبدی ئەرەیاوناش گرووپەکێ لایەنگرو داعشی و چەکدارا سەر بە تورکیای وەرپرسیارێ سەرەکینێ جە هرووژمەکانە. داواش جە جۆلانێ کەرد "چەمێخشکنۆوە بە شێوازو ئەرەمەزنارەو سوپاو تازێ سوریای و ڕەفتارو گرووپە چەکدارەکا". عەبدی جەختش کەردۆ، چن گرووپێوە هەوڵمڏانە دلێ سوپێنە "ناکۆکی مەزهەبی و دلېینە"ی وەش بکەرا.
تورکیا جوابو ڕۆیتەرزیش نەڎاوە
وەزارەتو وەرگری تورکیای هورسەنگنایش پەی قسەکا عەبدی نەکەرد و وەزارەتو چبەریش جوابو داواکۍ ڕۆیتەرزیش نەڏاوە.
