ڕۆنامەوانێوی برینداروو هجوومەکەو دەوڵەتوو تورکی گەشمەردە بی
ڕۆنامەوان مراد میرزا، کە جە ئەنجاموو هجووموو دەوڵەتوو تورکینە شەنگالەنە بریندار بی، دماو چند ڕوێ مەنەیوە بە برینداری، بۆنەو سەختیی برینەکەیشۆ گەشمەردە بی.
دەوڵەتی ئەرەگیرکەروو تورکی ٨و تەموزینە ڕاو بۆمبیوە هجوومش کەرد سەروو سەیارەو ڕۆنامەوانا، کە پەیامکیانێ چرا تیڤی و چرا ئێف ئێمی چنەبێنێ، ئەنجاموو ئا هجوومەینە ٣ ڕۆنامەوانێ و ٣ کەسێ تەرێ مەدەنیێ کە پاگەرە ویەردێبێنێ بریندارێ بیێ.
یۆ چا بریندارا مراد میرزا ئیبراهیم بێ، دماو چند ڕوێ مەنەیوە بەبرینداری، هیزی وێرەگا وەختوو نەشتەرگەریینە بۆنەو سەختیی برینەکەیشۆ گەشمەردە بی.
سەرسەعبوو ئارۆی سەروو داواو بنەیانەکەیش قەبرسانوو گردە گەورەینە بە ئامادەبییەی بنەیانە، هامپیشە و ڕێکوزیا و ئەرەمەرزیاکاو ڕاوەبەریی خۆسەری مەراسیمێوەنە بە خاکی ئسپارییا.
لاو ئامادەبییاو مەراسیمەکەیوە پەیاموو بەردەوامبیەی سەروو ڕا و خەباتوو ڕۆنامەواناوە دریا، کە گرد وەختێو دژوو ئەرەگیرکاری کۆشیاینە بانە.
