کۊنفڕانسەکە هۊ ڵوو ئەیاز دۊ غانینە کریا، ژەنۍ فرۍ بەشدارییشا کەرد، هۊ ڵەکەنە پلاکاردوو " پەی ئازادی" و "هامسەرۊ کایەتی خەتەی مۊ رەو ئێمەنە" ورواسیابۍ.

کۊ نفرانسەکە بە دەیەقێوە مرڎای دەسش پەنە کەرد و دماو وەشکەرڎەی ئەنجوومەنوو کۊ نفرانسەکەی درێژە بە کۊ نفڕانسەکەی دریا. خالیدە تورکئۊ غڵو، هامسەرۊ کەو دەسەو ڕاوەبەریی وێمانەو هەدەپەی، وتاروو ئەوەڵیش پێشکەش کەرد و واتش؛ کۊ نفرانسێوە ئامادەکارییشا پەی دەسەو ڕاوەبەریی وێمانەیی وەش کەرڎەن.  

تورکئۊ غڵووە باسوو جەنگەکاو وەرکەوتوو دلیڕاسەیش کەرد و واتش، " متاومۍ بواچمۍ کە جە فەلەستینۊ  تا وەرنیشت، نەتەوە-دەوڵەتەکۍ ڕژێمێوە جەنگینۍ کە ئاشتی چەنی گەلیشا وەش نمەکەرا. متاومۍ بواچمۍ ئا گۊ شەگیرییەو سەروو بەڕێز ئۊ جالانی سەپییان  و ئا بێیاساییە کە ئیمرالینە هەن، کاریگەرییش هەن سەروو گردوو بوارەکاو ژیوا. نزیکەو ٧ ساڵا ئێمە پێسە نوێنەروو ئیرادەو گەلی کوردستاننە، ڕووبەڕووۍ دەسملەرەگێرتەی مافەکاما بیمێوە. ئی ڕژێموو جەنگی دلۍ ڕاوبەرە وێمانەکایچەنە وێش نیشانە دا، قەیۊ مەکێشا نیشانۍ ئینەینۍ."

تورکئۊ غڵووە نارەزایەتییش نیشانە دا وەراوەروو تندوتیژی سیستماتیکی سەرەمڕوو قەیومەکا و واتش، "قسۍ فرێما سەروو ئینەیە کەرڎێنی، ئینە ٧ ساڵێن ئێمە دژوو ڕژێموو قەیومی هەنگامەما پەی وەڵۍ نەنیێنە. هامسەرۊ ک و ئەندامێما جە ئەنجوومەنوو ژەنانە هەوڵێشا دۍ سیاسەتێوە دیمۊ کراتیک کەرا. بڕۍ جارۍ جە مەیدانەکانە و بڕۍ جارێچ شەقامەکانە سەبارەت پی پەرسۍ بابەت و کۊ نفراسشا وەش کەرڎەن. " چەنی فرەو جمیەرەکاو ژەنا دیدار کریان."

'هامسەرۊ کایەتی خەتەی مۊ رەمانە'

تورکئۊ غڵووە واتش، "پاگێرتەیرەی سەروو ڕژێموو قەیومی یانۍ پاگێرتەیرەی سەروو سیاسەتوو نکۊ ڵی و دلێنەبەرڎەی وەراوەروو گەلوو کوردیوە" پێسە بەرڎەوامە بییە و واتش، " ئەگەر دلۍ پرۊ سەو دادگایکەرڎەی و پرۊ سەو بنیاتنیای سیاسیینە بواچمۍ هامسەرۊ کایەتی مافا، ئانە یانۍ ئارۊ  چی وەڵاتەنە کورد، عەلەوی، ئەرمەنی و سریانی لە مافنە یەکسانێنۍ، ئانە خودوو سیستموو هامسەرۊ کایەتیین. ئێمە سڵام چا ژەنا کەرمۍ کە جە ئەنجاموو سیستموو هامسەرۊ کایەتیینە قوربانیشا دا. هامسەرۊ کایەتی خەتەی مۊ رەو ئێمەنە. ئێمە وەعد مدەیمۍ گرد بوارێوەنە  ئینەیە بیاونمۍ یاگۍ.''

'ئێمە مدرامانی گەش کەرمێوە'

تورکئۊ غڵووە واتش، "وەختۍ ئێمە پێسە هەدەپەی کۊ نگرەما بەست، پەیامێوەما دا بە جیهانی؛ پەی ئاشتیێوە شکۊ مەندانەی گردوو مەیدانەکانە درێژە بە کۊ شیایما دەیمۍ. پەی پارێزنای دەسکەوتەکاو ژەنا، مدرامانما گەش کەرمێوە. لاێوە ئینەیچە ڕاوەبەرایەتییە وێمانەکێنێ". تورکئۊ غڵووە پێسە ئاخرۊ  واتش: "ئێمە پارادایمێوە نەتەوەی دیموکراتیکیما هەن. پێوە کۊ شیایما گەش کەرمێوە و با ڕاما کریێوۍ بۊ ."

 تورکئۊ غڵووە دماو وتارەکەیش، کۊ نفرانسەکەش ڕووەو ڕۊ نامەوانانە وسترەو  درێژەش بە کۊ نفڕانسەکەی دا.