نەپەگە: پەیوەندیمان بە ئەۋەتەقایەکەو ئەستەنبوڵ-یەوە نییەن
فەرماندەیی میانگەو پارێزنای گەلی (نەپەگە) ئاشکراش کەرد: پەیوەندیمان بە ئەۋەتەقایەکەو ئەستەنبوڵ-یەوە نییەن و سەروەشی جە کەسوکارو قوربانییەکان مکەرمۍ.
فەرماندەیی گردیی میانگەو پارێزنای گەلی (نەپەگە) سەبارەت بە ئەۋەتەقایەکەو هیزی (یەکشەممە)ی جە شارو ئەستەنبوڵ-ی ئەرەیاونایۋش پەی ڕاو گردییدا و جەمیانشەنە بێبەری بییەی وێشان جە کەردەکەی نیشانەدان.
نەپەگە ئاشکراش کەردەن: جە دوور و نزیکەوە هیچ پەیوەندیێۋەمان بە بە ئەۋەتەقایەکەو ئەستەنبوڵ-یەوە نییەن و ئێمە هیچ وەختێ مەدەنییەکان بە ئامانج نمەگێرمۍ و هەرگیز کەردەی چامنە قبوڵ نمەکەرمێنە. چوونکە جمیەرێۋەنمێۍ کۆشای دادپەروەرانە، ڕەوا و ئازادیۋازنەمان گێرتەنەرە ۋەر.
فەرماندەی نەپەگە-ی دەستنیشانش کەردەن: ئاشکران کە ڕژێمو ئاکەپە/ مەهەپە-ی ئینا جە قەیران و تەنگەژەنە و رووسیا بییەن و دژ بە جمیەرەکەیمان چەکی قەدەغە و کیمیایی بەکارماوەرۆنە و تەرمۍ سەربازەکانو وێش مسۆچنۆنە. بە ئەۋەتەقایەکەو ئەستەنبوڵی هەوڵ پەی فاڕای ئاژەکەی و کەم کەردەی فشارەکانو سەریش مڎۆنە و ئامانجشەن پیلانیێوە تاریکە باوەرۆنە ئاراوە. وەڵتەریچ کەردۍ و سیناریۆی هامشێوەش ئەنجامۍ دێنۍ و جە دمای ڤییەرەکانو کۆبانێی ئا سیناریۆ و کەردێشە دیارۍ و ئاشکرێنۍ. پنەوازەن لایەنە دیمۆکراتەکۍ تورکیای و راو گردیی ئاڕاستییەیە بزانان و دیمه تاریکەو ئا سیناریۆ و پیلانا بۋینانۍ.
فەرماندەیی گردیی میانگەو پارێزنای گەلی (نەپەگە) سەروەشیش جە کەسوکارو قوربانییەکانو کەردەکەی کەردەن و وازیاری وێش پەی زوو خاس بییەی بریندارەکان نیشانەدان.
