ڤۆلکەر تورک، کۆمیسیۆنو باڵاو نەتەوە یۆبییەکا پەی مافەکا مرۆڤی هرووژمەکێ سەر و هاموڵاتیا مەدەنی نزیک و مییانو هامکارینە جە کەرتو غەززەی بە "تاوانە و جەنگی" ئشناساش.
ڤۆڵکەر تورک جە بەیاننامەکەشەنە کە ڕۆو سێشەممەی وەڵاش کەردۆ، ئەرەیاوناش: "هرووژمە تنەکێ ئیسرائیلی پەی سەر و هاموڵاتیا مەدەنی ئەوەقۆمیایا کە جە هەوڵو ئانەینە بێنێ وێشا یاونانە یاگێ یارمەتییەکا و واردە هورگێرا جە غەززەنە یاگێ قبوڵکەردەی نییا. ماوەو یەرێ ڕوان سەر و یۆی جد دەوروبەرو مییانو دابەشکەردە و یارمەتییەکا کە جەلایەن و مییانو هامکاری مرۆیی غەززەیۆ بریۆڕاوە،"
جە بەیاننامەکەنە کە جنێڤەنە وەڵا بییەنۆ ئامان: "فەلەستینیەکێ ڕووبەڕوو بژاردێوە مەترسیداری بیێنێوە، یان ئاوراینە مشۆم مرانە، یان مشۆم جەکاتو هەوڵدای پەی بەدەس ئاردە و واردێوە کەمی ژیوایشا گنۆنە تەرسی و کوشیانە.
کۆمیساریاو باڵاو مافەکا مرۆڤی نەتەوە یۆبییەکا ئەرەیاوناش؛ هەر هرووژمێوە جە نزیک مییانو دابەش کەردەی هامکارییەکا "مشۆم بەپەلە و بێلایەنانە ئەوەکۆڵییایش سەر کریۆنە." تورک هرووژمەکێش بە "تاوانە و جەنگی" نامێ بەردێ و ئەرەیاوناش، مشۆم ونە پەرسایۆ چنی وەرپرسا تاوانەکا کریۆنە.
بەپاو وەرگری شارستانی غەززەی جە ئەنجامو هرووژمەکا سوپاو ئیسرائیلی جە نزیکو مییانێوە دابەشکەردە و یارمەتییە مرۆییەکا جە شارو ڕەفەحی، جە هەرێمەکا پانیشتوو فەلەستینی، ٢٧ هاموڵاتیێ کوشیێنێ و زیاتەر جە ٩٠کەسێش زامڏارێ بیێنێ.
