کاک لوقمان سەلیمی هونەرمەنڎ و گۊرانی واچ، کە هاموەخت پێشکەشکارو بەرنامێوە هونەریا جە ئاریەن تی ڤینە ماوۍ چێوەڵتەر پێشنیازوو ئانەیم پۍ کەرد کە چن هونەرمەندێوە شاروو هۊلێریچ خوڵقەو بەرنامەکەیش بکەرۆ. ئاڎیچ واتش: "وەڵا برا فرەم پنە وەشا، بەڵام برام نمەیا، بەهەر حاڵ کێت پنە خاسا ژمارەکەشم پۍ هۊرگێرە با خزمەتشەنە بوو"، منیچ پێشنیازوو هونەرمەنڎ (تەنیا ئیدریس)یم پۍ کەرد و واتم ئاڎ عالا وەختوو ۋێچش جە مێد تی ڤینە فرە بەرگنۍ و کاک بارزان بەرنامۍ فرێش چنی کەردەن، بەهەرحاڵ هەر نۊعۍ بۆ ژمارەکەو تەنیا ئیدریسم هۊرگێرت و پۍ کاک لوقمان سەلیمیم کیاست، کاک لوقمانیچ پەیوەندیش پۊوە کەردەبۍ، بەڵام تەنیا ئیدریس بەکاک لوقمانیش واتەبۍ؛ بەخوڎا نەوەشەنا و پێم مەکریۆ، کەچی چن ڕووێش نەلا سەرەرە، تەنیا ئیدریس جە چن کەناڵێوە نزیک جە دەسەڵاتینە بەرکۊت و بەرنامەش پێشکەشکەرد.

پەدەکە هەڕەشێش جە هونەرمەنڎا کەردە بەشداری مەراسیموو نەورۆزوو قەندیلی نەکەرا

ئێساڵیچ تیمی ئامادەکاروو مەراسیموو نەورۆزوو قەندیلی حەریۆ جە چۆپی فەتاحۍ و مسەفا داداریشا خوڵقەو مەراسیمەکەی کەردۍ، هەڵبەت بە زەڕێوە فرەیچ بە بەلاش نا ، کەچی هەردوویشا بێ وەعدیشا ئەرمانا و جە تەرسەو پارتینە نامۍ، دڵوو جەماوەرەکەیشا ماڕاو بێ وەعدیشا ئەرمانا، جە وەختێنە هەردویشا ئشناسنامەی ئەوروپیشا هەن و نە ئشیۍ تەرسێنۍ و حسابشا پۍ هەڕەشەکا پەدەکەی کەردایۍ. بەڵام تەرسۍ و بێ وەعدیشا ئەرمانا، هونەرمەنڎ واتە ئەخڵاق و هەڵوێس و پابەنڎبیەی بە پەیمانی کە ئانێتە نەبیۍ تۆ جە هونەری و جەماوەرەکەیت ئەرەبڕیەی. بڕوا کەردۍ دماو ئانەی ئینێم چی هونەرمەنڎا دیۍ ئیتر هەر جە ۋێشۆ نە حەز بە چارەو ۋێشا نە بە هونەرەکەیشا مەکەروو.

بێ مۆڕاڵی پارتی و بارزانیی ئینا چانەینە کەهەمیشە فەخروو نەتەوەیبیەی بەخەڵکی ورەشاوە، کەچی هەرمانە سەروو ئانەی کەرۆ کە هونەرمەنڎا بەشداری جە مەراسیموو نەورۆزوو نەتەوەکەیشانە نەکەرا. بەڵام جە لێوەتەرۆ ئیبراهیم تاتڵیساز و کناچەکێش و چنڎانی تەری مارۆ هەولێر تا گۆرانیۍ پۍ هەولێریەکا واچا و دژەکوردبیەی ۋێشا بەربڕا، جە وەختێنە ئیبراهیم تاتڵیساز دژوو کوردین و ئینا بەرەو ئەرەگیرانە وهەمیشە خەریکوو دزیەی ئاواز و گۆرانیە ڕەسەنە کوردیەکان، ئینەنە کوردایەتیەکەو پارتی و بارزانی!