ڕابەروو گەلوو کوردی عەبدوڵڵا ئۊجالان ساڵەو ١٩٨٤ نامێوەنە بە و١٧یەمین ساڵیادوو ئەرەمەرزنای بەرەی ڕزگاریبەخشوو گەلوو فەلەستینی ورسەنگنای تێر و تەسەلش پەی گرنگیی ئا جمیەرەیە و پتەوکەرڎەی یۊگێرتەیی و یەکڕیزیی گەلا وەراوەروو هجوومەکاوە کەرڎەن.
نامەکەو ڕابەروو گەلوو کوردی عەبدوڵڵا ئۊجالانی، سکرتێری گردینوو ئا وەختوو پارتوو کرێکاراو کورڎسانی (پەکەکە)ینە پەی جۊرج حەبەشی سکرتێروو ئا وەختووجمیەری ڕزگاریبەخشوو گەلوو فەلەستینی ساڵەو ١٩٨٤ینە، ئامان:
"جمیەری وێگیرانەی شۊڕشگێڵنوو فەلەستینی دلێڕاسەو دەیەو ١٩٦٠ینە دەوریوە گرنگش جە کۊشیای دژوو ئیمپریاڵیزمی، زایۊنیزمی و دماکەوتەیی مەنتێقەکەینە گێڵنان. هەرچندە جمیەری ڕزگاریبەخشوو فەلەستینی چا چا ساڵانە پێسە بەشێوە جە جیهانی سۊسیالیستی و ئازاڎیبەخشی نەتەوەیی بەر کەوت، وەلۍ دەسلوای کەسە ڕاستگەرا بورژوازییاش دلۍ ڕیزەکاشنە ئاستۊ و قەوەتێش کەرڎۍ. سەرکرڎایەتیی ڕاستگەرای جیای هامکاری و بیەی هومێدی بە چارەسەرکەرڎەی پەرسەو فەلەستینی، پەشتییش بە ئیمپریاڵیزمی و کۊنسێرڤاتیزموو عەرەبی بەستێنە. مایۍ سەرەسڕمەنەی نییەنە، کە ئی سەرکرڎایەتییە ڕاسڕەوە ئارۊ ئینا پێڕوو نۊکەرە سەرەسەختەکاو ئیمپڕیاڵیزموو ئەمریکای، حوسنی موبارەکوو چوارەم سەرۊککۊماروو میسر، مەلیک حسێنوو پاشاو ئوردنی و سەدام حسێنوو بکوشوو گەلا (دیکتاتۊری وەڵینوو عێراق)ی مرڎاوە، ئینەیچە بە پاو جەوهەروو چینایەتیی ئادیشانە.
ئانە چی دمایۊ جە کۊبییەیوەکاو وێدایدەسۊ و پاکتاوکارانەو عەمانوو پایتەختوو ئوردنینە ڕووەش دا، بەشێوەن جە پیلانگێڵنیی پەی دلێنەبەرڎەی شۊڕشوو فەلەستینی، کە ونەو هەزارا شۊڕشگێڵنە نیشتمانپەروەرا و ئینترناسیۊناڵیستاش پەی مجیێنە. چێولای بەیاگەیاونای قەرارنامەکا و پرۊژەکا پەی بۊ تەمامکەرڎەی دلێنەبەرڎەی جە ڕاچارەی نادروسوو ئاستوو مەنتێقەیینە سەروو بنەماو پڕۊژەکاو کامپت دەیڤید و ڕیگان زووتەر بۊ. ڕۊشنا کە بە وەرەچەمگێرتەی ڕەهەندی ئینترناسیۊناڵیستی شۊڕشوو فەلەستینی، وێگێری و مدرامانوو سەرجەموو خەڵکوو مەنتێقەکەیچ دلێنە مشۊ و ئیمپریاڵیزم و نۊکەرۍ ئیسفادە جە دلێنەشییەی و دماییئامای فەلەستینی ور گێرا.
بەکوڵی هەوڵۍ مدا دا تا ئا شۊڕشە دوۍ ئێندەو ئانەیش دەس وستەن، جەدەسش بدۊ. جە قۊناغێوە چانەی هەستیارنە بەرەو ڕزگاری کە ١٧یەمین ساڵیادوو ئەرەمەرزنایش مەبارەک کەرۊ. دەورێوە گرنگ گێڵنۊ. جە ئەوەڵوو دەورگێڵنای شمەوە جە جمیەروو وێگێریی فەلەستینینە، حزب و جمیەرەکەتا بە بەرڎەوامی ڕووبەڕوو پیلانگێڵنیی پاکتاوکارانەو ڕابەرایەتی باڵوو ڕاسگێری بیێوە. جە مانێوەنە، پی مانۍ، دەوروو ڕابەرایەتیتا جە شۊڕشوو فەلەستینینە قەتیس مەنەن و یاوێنۍ خاڵەو وێتەسلیمکەرڎەی و چۊکدایرەی ئیساتۍ.
هەرمانەی ئیسەییە وەرگێریبییەیوە قەوەتا وەراوەروو حەر هەنگامێوە پاکتاوکاریینە، کاپیتۊلاسیۊن و ملکەچکەرڎەی پەی سازشکارییەکا جە بەرژەوەندیی باڵوو ڕاسلواینە و پاڵوو ئادیچنە مشۊم واوەی یاگەداروو وێگیریی چەکداری شۊڕشگێڵنیی قەوەت کریۊ. سەروو ئی بنەمێوە یۊگێرتەیی نەتەوەیی پاڕێزگارییش ونە کریۊ لێبکرێت و پەرەش پەنە بدریۊ. جەقاودای و گۊشەگیرکەرڎەی ڕابەرایەتی باڵوو ڕاسگێرا پێویسا. ئێمە ئینایمۍ چا بڕوێنە کە ئینە تاکە ڕای دروسەنە پەی یۊگێرتەیی و یەکڕیزیی نەتەوەیی شۊڕشگێڵنانەی و ئینەیچە بەدەر جە تاقمێوە بورژوازیی دماکەوتەی و نوێنەراشا کە پێسە مشەوەرێوە سەروو ئی شۊڕشەیوە مژیوا، ئی ئاراستەیچە ڕای هەقەتینەو ڕزگاریی گەلوو فەلەستینینە.
ڕزگاریی گەلوو کوردی، کە چارەنویسێوە هامشێوەو چارەنویسوو گەلوو فەلەستینیش هەن و پارێزگاریکەرڎەی چا گەلەیە وەراوەروو کۊلۊنیالیزمی فاشیستی و سەروازیی تورکیاینە، کە هیچش کەمتەر نییا جە دڕندەیی زایۊنیزمی، جە ڕاو پارتوو کرێکاراو کورڎسانیوەم کە گەشەساناێوە سەروازی و ڕەواو ورقوڵیاو ئاڵنگارییە بێهامتاکاشا و سەروو بنەماو کۊڵەکێوە پتەوێوە سەرەش ورڎان. جە بونیادنیای پەیوەندیێوە گیانبازانەی چەنی شۊڕشوو فەلەستینی درێخییش نەکەرڎەن. هەمان وەختەنە کاریگەرییەکاو باڵی ڕاسگێروو ناسیۊناڵیستی (بەرەی ڕزگاریبەخشوو گەلوو فەلەستین)ینە ڕاگێرا جە گەشەپەنەدای و قەوەتکەرڎەی ئا پەیوەندییەینە. ئادۍ بەرڎەوامێنۍ جە پەشتیوانیکەرڎەی ئەنقەرەی و چوار نوێنەراو پەرلەمانی فاشیستی تورکیایشا پەی بۊ کۊبییەیوەی ناپاکانەو عەمانی چڕیێبێنۍ. چی دمایچۊ چوار کەسۍ جە بەشداربیاو ئا کۊبییەیوا لاو پەرلەمانی و دەوڵەتوو زایۊنییوە چڕیێبێنۍ و کۊبیەیوێوە هامشێوەنە قودسنە خێرامایشا کریابۍ.
پەوکای مشۊم ئێمە مەنتێقەکەنە پابەندۍ پەرەپەنەدای و قەوەتکەرڎەی یەکڕیزیی شۊڕشگێڵنانەی و نیشتمانپەروەرییانەی بیمۍ. چی ڕوانگەوە، سەرجەموو دەوڵەتە وەڵیکەوتەکا و ڕێکوزیایە ئازاڎیبەخشەکا مەنتێقەکەنە، بەتایبەتی سوریا، مشۊم ڕیزەکاشا پتەو و قەوەت کەرا. بکەن. حەر پی جۊرە سیستمی سۊسیالیستی بەتایبەتی یۊبییەی سۊڤیەتی، مشۊم هەرمانەو پەرەپەنەدای و قەوەتکەرڎەی پەیوەندیی دووەلایەنەی پەشتقایمی بە هێزە ئازاڎیبەخشەکاو گەلا بیاونا یاگۍ. پارتوو کرێکاراو کورڎسانی کۊشیای وێگێرانەی ژیونایوانەو کورڎسانی زیاتەر قەوەتتەر کەرۊ و هەرمانە و وەرپەرسبییەی تارێخیی وێش تا وەختوو ئازاڎیی گەلاما میاونۊ یاگۍ و و درێخی چانەیە مەکەرۊ.
پی بڕوا و ئاواتەوە ١٧ەمین ساڵیادوو ئەرەمەرزنای جمیەرەکەیتا وەنە مەبارەک کەرمۍ و سڵامی ڕەفێقانە و ئاواتوو سەرکەوتەیتا ئاڕاستە کەرمۍ.
١٢/٠٧/١٩٨٤
عەبدوڵڵا ئۊجالان
سکرتێری گردینوو پارتوو کرێکاراو کورڎسانی (پەکەکە)
