پلاتفۆرمو زانایا ئایینی ئیستەنبوڵی ئەرەیاۋنێوەش وەڵا کەرڎۆ دەربارەو "بانگەوازو ئاشتی و گلېرگەو دیموکراتیک"ی کە ڕابەر ئاپۆ جە ٢٧ و شوباتینە ئەرەیاۋناش. ئەرەیاۋناکەی جە جەمەو ۋەرکۊت و پانیشتوو ۋەرکۊتوو ناوچەو باخچەلیڤلەرینە ۋنیاوە. ژمارێوە جە زانایا ئایینی بەشدارۍ بێنۍ و بە زۋانەکا کوردی و تورکی ئەرەیاۋناکەی ۋنیاوە.

جە ئەرەیاۋناکەینە ئاماژە پانەی کریان بانگەوازە تاریخیەکەو ڕابەر ئاپۆی بە هەنگامېوە گرنگ موینا و هیواڎارێنۍ ئی بانگەوازە بە ئارامی و واڵە و برایەتی وەڵێگنۆ و ئاشتیێوە شکۆمەندانەش چنەگنۆوە. وچیان: "تەنیا بە دادپەروەری و گلېرگێوە کە چنەشەنە شناسنامە جیاوازەکۍ هەست بە ئەمانی بکەرا و ئاشتیێوە درێژخایەن بێنە دی. خوڎای گۊرە مرۆڤەکێش بە زۋان و ڕەنگ و عەشیرەتی جیاواز وەشۍ کەردێنۍ و ئی هەمەڕەنگییە حیکمەت و میهرەبانیی بەروزۆ، نەک سەرچەمەو جیابیەیۆ و جە یۆ ترازیای".

زانایا جەخت چانەی مکەراوە جەوهەرو ئایینو ئیسلامی ئینا چنی پێوەرەژیۋای و یەکسانیی بەینو پێکئامایەکانە، مشۊم چی قۆناغەنە مشۊم گرڎ کەسۍ ۋێش جە قسۍ گولۍ و دژ بەیۊی دووروزۆوە، هەرپاسە ماچا: "جیاوازییەکێما هەڕەشۍ نیەنۍ، بەڵکم دۊڵەمەڼی گلېرگەی بەروزا، ئەنەیاوای ۋەرپرسیاری هامبەش و گرڎیمانە. ئاشتی حەقەتینە تەنیا کپکەردەی چەکی نییا، هامکات ئەرەمەرزنای سیستەمێوەن چنەشەنە گرڎ هەست بە ئازادی و یەکسانی و شکۆی بکەرا. گرڎ بەبێ وەرچەمگێرتەی نەژادی و ڕەنگی و ڕەگەزی، بە ئازادی بژیوا. خوڎا عەقڵ و ویژدان و هەستو دادپەروەریش بە مرۆڤی بەخشان. ئەرکو ئێمەن پېوەرە ئی فەزیڵەتا دلۍ ئاشتی و ئاسایشینە ئەزموون بکەرمۍ. ئێمە گرنگی مڎەیمۍ بە "بانگەوازو ئاشتی و گلېرگەی دیموکراتیک"ی کە عەبدوڵا ئۆجالان جە ٢٧ و شوباتی جە دوورگەو ئیمراڵییوە ئەرەیاۋناش، تاوەکو گەلا تورکیای باوەڕ بە پێوەرە ژیۋای بارا و ئایندەو دیموکراتیکی بنیاڎ بنیا و گرڎو باوەڕی و کلتوورەکا دلۍ ئازادی و ئاشتی کۆمەڵایەتینە بژیۋا. پېسە پلاتفۆرمو زانایا ئایینی ئیستەنبوڵی واوەیش مکەرمێوە، پەشتگیری چی بانگەوازە تاریخیە مکەرمۍ. هیواڎارێنمۍ ئی پرۆسە بە ئیسفاڎەو گەلا مەڕیۆوە. داوا جە گرڎو بەشەکا گلېرگەی مکەرمۍ بە دڵ و گیان ئامێز پەی ئاشتی بکەراوە".