یۊبیەی دیموکراتیکی ژەناو عەلەوی ئەرەیاۋناش، حەتا بنیاڎنیای ژیۋایۍ دیموکراتیکی، ئازاڎیی و یەکسانی جە کۊشیایشا بەردەوامۍ با و جەختش کەردۆ: " ژەنی، ژیۋای، ئازاڎیی جەوهەروو ئێمەن، قەرارداریما سەروو کۊشیای ژەنێن."
یۊبیەی دیموکراتیکی ژەناو عەلەوی (یەژاد) بۆنەو ٨و ئاداریۆ ڕۊو جەهانی ژەنا ڕەنجدەری ئەرەیاۋنێوەش وەڵا کەردۆ.
جە ئەرەیاۋناکەینە ئامان: "پیمانەو ژینی و ژیۋای جە بنەماو فەلسەفەو عەلەوینە هەن. ژەنی، ژیۋای، ئازاڎیی پەنەوازش بە کۊشیای ژەنێن. ئی دووە پیمەرۍ ڕای حەقەتینەش نیشانە دایمۍ.
مانگەو خزری کە بۆنێوە فرە بەقیمەتەو باوەڕداریمانە بە جۆش و خرۆشۆ ویەرنمێش و بە گوڕوتینۆ پێشوازی جە ٨و ئاداری کەرمۍ. سەڎان ساڵێن جە پەڕەو تاریخینە تاڵانکاری سەروو ژەنارە مسەپیۆ. مدرامان جە دژوو ویرکەردەیۆ پیا سالاری جە ٨و ئادارینە ماناڎارا، دلۍ مدرامان و کۊشیای هەزار ساڵەینە."
جە ئەرەیاۋناکەینە ئامان، جە دژوو گۆشەگیری، رەگەزپەرسی، ئایین پەرسی و نەتەوەپەرسی حەتا پێکئامای ژیۋایۍ ئازاڎ، یەکسان و دیموکراتیکی جە کۊشیای بەردەوامۍ با و ئەرەیاۋنانیچش: " ژەنی، ژیۋای، ئازاڎیی جەوهەروو ئێمەن. قەرارداریما پۍ کۊشیای ژەنێن."
