جە بەردەوامی مڏرامانیشانە قەسەدە ئەرەیاوناش گرڏ و هرووژمە بەردەوامەکا دۆڵەتو تورکی و چەتاکاس سەرو بەندواو تشرینی و سردە و قەرەقۆزاقیشا ماڕێنێ و جە ئەنجامەنە تاوانشا فڕۆکەی بێفڕۆکەوانو دۆڵەتو تورکی وسارە وار.

ئەرەیاوناکەینە ئامان: "جە قۆڵو بەنداو تیشرینینە، حەرچنە دۆڵەتی تورك و چەتەكێش بەردەوامێ بێنێ جە بۆمبواران کەردەو دەورووبەرو بەنداوەكەی و دەگاکا بە تۆپی و چەكی قورس، بەڵام جەنگاوەرەکێما چن هرووژمێ چەتەكا دۆڵەتو ئەرەگیرو توركیشا جە چن هێڵی وەڵێ جەنگی جە سردەو قەرەقۆزاقی و بەنداو تشرینی پووچەڵكەردۆ.

چەتەكێ چنین هرووژمێشا کەردێ سەرو خاڵەو هێزەكاما، گرڏو ئا هرووژما شكستشا ئارد و جەلایەنو جەنگاوەراماوە پوچەڵێکریێوە، هەرپاسە یەكینەکا  گەشمەرڏە هارونی بەشداریشا کەرد جە ڕووبەڕووبییەیۆ هرووژمو چەتەكا و تاواشا فڕۆكێوە بێفڕۆكەوان وسارە وار، كە هەوڵ دێ خاڵو هێزەكاما کەرانە ئامانج."

جە بەردەوامیینە ئانەی وسیا ڕووە: "+ە میحوەرو دێرحافر فڕۆكەی بێفڕۆكەوان بەردەوام بیی جە فڕای سەرو ناوچەكەیرە، هامكات چەتەکێ بە بەكارئاردە پەنچ فڕۆكەی بێفڕۆكەوانی وێ کوشی هرووژمشا کەرد سەرو خاڵو هێزەكەما، با مەڵامەتۆ دووێ جەنگاوەرێما بە سووكی زامڏارێ بیێ.

دۆڵەتو ئەرەگیرو توركی و چەتەكاش سردەو قەرەقۆزاقینە بە تۆپەی قورسە و، تانكێ، مووشەک شانای و گوللە هاوەنێ، بەبێ جیاوازی، دەگاکا “تینح، جەعدە، بیر حەسو، غەساق، دیكان، مەلحە و سەنا”شا بۆمبواران کەرد، حەرپاسە هەردووی تەپۆڵکەکێ “سەیفی و قەرەقۆزاق” و وێستگەو فاڕاو كارەبێ جە ناوچەو “سارین”ینە بۆمبواران کەرد، زەرێ ماددی وەرچەم بە یانە مەدەنییەكا یاوام."

جە دماینە ئامان: "چێرو بۆمبواران و چەكی قورسینە چەتەكێ هرووژمشا کەرد سەر و خاڵ و هێزەكاما، بەڵام جەنگاوەرەکێما ڕووبەڕووسا بیێوە و جەنگێوە قورس ڕووەشدا، كە دلێسەنە ژمارێوە چەتێ زامڏارێ بیێ، بەڵام ژمارەشا پەشڕاس نەكریانۆ.

جە قۆڵو عەین عیسای دۆڵەتو ئەرەگیرو توركی و چەتەكاش بە چنین مووشەكێ دەگا و ئەبو سەرایشا بۆمبواران کەرد و زەرەرشا بە یانە و موڵكو داگا نشینا یاونان."