مییانو ئەرەیاوناو هێزەکا سووریای دیموکراتیک- قەسەدەی پەیوەس بە ئامارەو هرووژمەکا ١٢و ئاداری ئەرەیاونێوەش وەڵا کەردۆ و دلێشەنە ئاماژەش پانەیەدا؛ یەرێ درۆنێ وێ کوشیێ وسیێنێرە وار.

ئەرەیاوناکەو قەسەدەی پی جۆرەنە:

"دۆڵەتو تورکی ئەرەگیری و چەتەکاش بە پاشێلکەردەو تەمامو ڕێککەوتەی و یاسا مییاننەتەوەییەکا هرووژمەکێش سەرو هەرێمەکا سەرنیشتوو و وەرکەوتوو سووری زیاتەر کەردێنێ.

قۆڵو بەنداو تشرینی؛ هیزی (چوارشەممە) فڕۆکەی بێفڕۆکەوانو دۆڵەتو تورکی ئەرەگیری دەگاو خرابە زمەلای پانیشتوو وەرکەوتوو منبجیش بۆمبواران کەرد، جە بۆمبوارانەکەینە یاگێ مەنەیۆ کرێکارا بەنداوەکەیش کەردەن بە ئامانج. بە درێژای شەوەو چوارشەممەی بەنداو تشرینیش بە تۆپ شانای قورس تۆپواران کەرد. جە ئەنجامەنە زەرەرێ ماددی فرەش ونە کەوتۆ.

چەتەکا دۆڵەتو تورکی ئەرەگیری بە درۆنی وێ کوشی هرووژمشا کەرد سەرو خاڵێوە هێزەکاما، جە وەرپەرچدایۆ هرووژمەکانە هێزەکێما تاواشا ٣ چا درۆنە وێ کوشیا وزارە وار.

قۆڵو قەرەقۆزاقینە؛ فڕۆکەی جەنگی دەگاکا خەسەق و تیناییش بۆمبوران کەردێ. هەرپاسە بە زیاتەر جە ٥٠ گولـلە تۆپێ و، تانکێ، موشەکێ و هاوەنێ دەگاکا تینای، جادا، بیر حسۆ، خەسەق، دیکان، مەلحە، سینا، گردی سێڤێ و سردەو قەرەقۆزاقیشا تۆپواران کەرد، جە ئەنجامو هرووژمەکانە زەرەرێ مادی فرە وەرو موڵک و یانەو ئەرەنیشتا ناوچەکەی کەوتەن."