مییانو  ئەرەیاونا و هێزەکا سووریاو دیموکراتیکی- قەسەدە جە دیجیتاڵ میدیایی تایبەت بەوێش ئەرەیاوناش هرووژم و چەتەکا داعشی پەی سەر و هێزەکاشا بەردەواما و جە وەراوەرەنە جەنگاوەرەکێشا بەوپەرو ئیرادەیۆ گرڏ ئا هرووژماشا ماڕێنێ.

جە ئەرەیاوناکەینە ئامان: "یەرێ ڕوێن بەردەوام هێزەکێما گرڏ و هرووژمەکێ چەتاکا داعشی سەر و سەنگەرەکاما ماڕانە. هیزی یەکشەممە هێزەکێما هرووژم و چەتاکا داعشیشا سەر و سەنگەرەکاما جە ناوچە و ئەل سەبحاو دەگانشینا و وەرکەوتوو دێرەزۆری ماڕان."

جە بەردەوامی ئەرەیاوناکەینە ئاماژە کریان پانری چەتەکێ بە ماتۆڕسکیلێوە کە سەرنشینو چەکداریش سەرۆ بییەن تەقەشا جە هێزەکا قسەدەی کەردەن، بەڵام دەمودەس جواب دریانۆ و جەنگێوە سەخت ڕووەشدان و ئامان: "بەمەڵامەتو تەقەکەردە و چەتەکاوە هاموڵاتییێ مەدەنی زامڏار بییەن و جە لایەن و جەنگاوەراماوە چارەسەرش پەی کریان."

جە دماین و ئەرەیاوناکەینە ئاماژە بە بڕەما و چەتەکاش کەردەن و ئامان: "بە دڵنیاییۆ هێزەکێما جە ماڕا و ڕیشەکێشکەردە و گرڏ و ڕێکوزیا تیرۆرستییەکا بەردەوام بۆنە، کە ئامانجشا تێکداو ئاسایشو هەرێمەکەین."