جە وڵاتا جیا جیاو ئۊرووپایۆ ٣٩ کەسې جە چوارچێوەو هەڵمەتۆو "گەرەکما چنی عەبدوڵا ئۆجالانی دیدار بکەرو" هېزی ئامې ئەستەنبوڵ. شاندەکە کە جە ڕۆنامەنویس، نویسەر، ئەکادیمی، سەندیکاوان، پەرلەمانتار و یاساشناسا پێکئامان، جە ئوتێلێوە تەقسیمینە گلېرۊبیەیێشا ڕێکوست. جە تەلارەو گلېرۆبیەکەین لافیتەو "دیداری مېیاننەتەوەیی پەی چارەسەرو ئاشتییانەو پرسو کوردی و دمایئاردەی بە گۆشەگیری" نریارە.

هامواتەواچە و کۆنگرەو دیموکراتیکو گەلا (هەدەکە) مەراڵ دانش بەشتاشە، هامسەرۆکو گرڏی پارتو هەرێمە دیموکراتییەکا (دەبەپە) یکەسکین بایندر و جە تەڤگەرو ژەنا ئازادی (تەژەئا) سەباحەت تونجەلیشە و چنین کەسێ تەرێ بەشداری گلێرۆبییەکەی بیێ. دما و گلێرۆبییەکەی، دەقی پەیامی هامبەش ونریاوە. پەرلەمانتارو پارتو چەپو ئەڵمانیای فەرهاد کۆچاک پەیامە هامبەشەکەش بە تورکی و وەرپرسو پەیوەندییەکا چبەرو  CUPـی کەتەلۆنیا  ئیولالیا ڕێگوانت کورا پەیامەکەش بە ئینگلیزی واناوە.

فەرهاد کۆچاک ئاماژەش پانەی کەرد، ئارێ پەشتیوانی جە گەلوو کوردی مکەرا و واتش: "ئێمە بانگەواز جە دەسەڵاتدارا تورکی مکەرمێ پەی دیالۆگێوە بنیات نەر و و ڕاس و گفتوکۆی ئاشتی چنی تەمامو گلێرگە و کوردی، هەنگامێ کاریگەر بنیا. ئێمە جارێوە تەر بانگەوازی هامبەش پەی سەرکۆتە و پڕۆسەکەی جە گرڏ و تەڤگەری و پارتە وەڵێ وەختەکا و گەلا تورکیای مکەرمێ. تەنیا بە پابەندبییەی چا جۆرە کریۆنە فاڕییای هەمیشەیی و بەردەوام جابەجێ کریۆ، چی ڕوانگۆ بەڕاسی ڕا پەی تورکیایێ دیموکراتیکی کریۆوە."

کۆچاک جە بەردەوامینە جەختس سەر و ئانەی کەردۆ پەنەوازا تورکیا ڕێز جە مافەکا ئینیسانی گێرۆ و وەرپرسیارێتییە مییاننەتەوەییەکا جابەجێ بکەرۆ و واتش: "جە کاتێنە کە مێڏانو مییاننەتەوەیی زیاتەر بەرەو ململانێ و شەڕانگێزی ملۆ، دەرفەتێوە تاریخییا جە ڕا و دیالۆگی و گفتوکۆیۆ پەرسە و کوردی چارەسەر کریۆ. جە سەردەمێوەنە کە وەرکەوتوو دلێڕاسەی ئینا دلێ ئێرینە و فرە و وڵاتا کەوتێنێ پێشبڕکێیوە بێسنوورو بەکار ئاردە و چەکیۆ، ئێژا ئۆجالان یۆن جە بەهێزتەرین دەنگەکا وەرگیری کەردەی جە ئاشتی و چەکنییارەی."

هەرپاسە کۆچاک ئاماژەش پانەی دا کە ئایدیاو "کۆنفیدرالیزمو دیموکراتیک"و ڕابەر ئاپۆی نەک تەنیا پەی تورکیای بەڵکوم پەی گرڏ و ناوچەکەی مۆدێلێوە گونجیان و واتش: "پەی ئانەی پڕۆسەو دیموکراسی یاوۆنە ئاستو پەنەوازی تواناکا، مشۆم دەمودەس و بێ مەرج ئێژا ئۆجالان و گرڏ و زینانیا سیاسی کە مافە مرۆییەکێشا پاشێل کریێنێ ئازادێ کریانە، ئینەیچ چێوێ بنەڕەتییا، ڕێزگێرتەی جە مافەکا ئینسانی جە کاتو زینانی کەردەیشا هەنگامێوە بنەڕەتیا، بە تایبەتی گۆشەگیری سەپیا ٢٦ساڵێ سەر و ئێژا ئۆجالانی جە زینان و ئیمرالی و هەرپاسە قەدەغەکەردە و نایاسایی مافە بنەڕەتییەکا، پاشێلکەردە و ئاشکراو پێوەرە یاساییە دلینەکا و جەهانییەکا."

دما و قسەکا کۆچاک ئەرەیاوناش: "داوا جە حکومەتو تورکیای مکەرمێ بەپاو بنەماکا دادپەروەری، دیموکراسی و ئاشتی مامەڵە بکەرۆ، ئێمە چەمدێری هەنگامەکا حکومەتی مکەرمێ و هیواڏارێنمێ تورکیا بلۆنە دلێ پرۆسە و دیموکراتیکی و گلێرگێوە فرەچەشنی."