دمانیمەڕۊو ئارۊی، شاروو سلێمانی-ینە لاو ڕێکوزیاو ئازاڎبییەیۊ چوارچوەو چالاکییەکاو ساڵۊنی فکریینە، کۊڕێوە پەی ڕێژوان تەهای موزسیان و نویسەر، میر ئەکبەر موزسیان و کۊڵیاروو مۊسیقاو کوردیی، بە ناموونیشانوو 'بەرکەوتەکاو کولتووروو مۊسیقای کوردی' لوا ڕاوە.

هەر یۊ جە ڕێژوان تەهای و میر ئەکبەری موزسیان ئێوارە کۊڕەکێشانە ئامادەبیێشا کەردێ بە کولتوور و تارێخوو هونەری و مۊسێقای کوردی و میر ئەکبەر پارچێوە جە مۊسێقای کوردییش پێشکەش بە ئامادەبیا کەرد.

ڕێژوان تەها، یۊ جە میوزسیانە ئامادەبییەکان و باسوو مۊسێقای کوردییش کەردو واتش: "نەتەوەو کوردی ساعیبوو کۊمەڵێوە بەرکەوتە نۊعاونۊعان کولتوورەکەشنە، ئینە پاسەش کەردەن کە چند لایێوە گەشەش کەردەن و بییەن بایسوو دٶڵەمەندبییەی مۊسێقای و کولتوور و فەرهەنگوو نەتەوەو کوردی، هەرپاسە ماوەو چند ساڵێوەن کە سەرقاڵوو ئەوەکۊڵیاین جە مۊسێقای و کولتور و فەرهەنگ و ئاینەکاو کوردستانی، گەرەکمانە چند کۊڕ و سیمینار و بەرنامە تایبەتاو تەلەفزوێنینە ئی باسا وزمێ ڕووە".

ئانەیچش وست ڕووە، ئامانجمانە کە شوناسوو گەلوو کوردی گێڵنمێوە و ئا تەم و ناڕۊشنییە لابەرمێ، کە وەڵاتە ئەرەگیرا وەش کەردەن، بە مەبەستوو شێونای کولتوور و مۊسێقا و فەرهەنگی کوردی، ئا ناڕۊشنی و تەمێ، کە وەشێ بیێنێ نازمێشا و ڕووە هەقەتینەکێ گەلوو کوردی بدەیمێ و هەستوو شانازییشا پەی گێڵنمێوە.

ڕێژوان بارەو گرنگی و پارێزنای هونەروو فۊلکلۊری کوردیوە وەرنیشتوو کوردستانینە و گرنگیدای گەنجا پی جۊرە هونەرا، باسوو ئانەی کەرۊ " وەرنیشتوو کوردستانینە هاگایێوە وەش بییەن، بە هاگابییەی جە کوردبییەی و کولتوور و تارێخیشا، پا فەرهەنگەیە جە ئیمپڕاتۊریەت و شارستانیەتوو کوردیینە بیەن، دلێشنە گردوو گەلا بە دەنگ و ڕەنگە جیاوازەکاوە مژیوا، ئیساتێ وەرنیشتوو کوردستانینە، هونەر و مۊسێقا بناغێوەنێ گرنگیی وێش هەن و چندین گرووپێ هونەریێ هەنێ وەشبەختانە چندین هەرمانێ و چالاکیێ کریێنێ".

میر ئەکبەر، یۊ جە میوزسیانە ئامادەکان، ئاماژەش پانەیە کەرد "ئینە جە یوەمین هەوڵەکاو ئێمەن پەی  هۊشیارکەردەیۊ خەڵکی بارەو  تاریخی و مۊسێقای کوردییوە، ئامانجما جە کەردەی ئی کۊڕێچە پەی وستەیڕووەو ئا بەشەو میوزیکوو کوردیینە، کە نە گێڵیانۊ و پێسە پێویسی هەرمانەش سەرۊ نەکریێنە، ماوێوە فرەن سەرەقاڵوو کۊکەردەیۊ ئا مۊسێقا و مەقاماتە کۊنانا، پەوکای ئارۊ باس باس جە مۊسێقاو یارسانی و ئامێروو تەمبوری کریا، تەماموو ئا ئاوازا، کە دلێ مۊسێقاو یارسانینە هەنێ، کە تارێخەنە بەکارێ ئامێنێ  و ئا پۊلێنێ کە کریا کە مۊسێقاو  یارسانی پۊلێن کەرا، دماتەریچنە ئێمە بەردەوامێ بیمێ و جە هەوڵەکاما پەی زیاتەر خزمەتکەردەی هونەری کوردی و هۊشیارکەردەیۊ خەڵکی".