لەقوو جولەمێرگوو ئیهەدەی و قەومێ بێسەروشۆنا حەفتەو ١٣٠ەمینینە بە درووشموو "با بێسەروشۆنا بوێزیانێوە، تاوانبارێ دادگایی بکریانە" جادەو ساناتوو مەنتێقەو گەڤەروو جولەمێرگینە جەمێ بیێوە. قەومێ زیندانییا و ئەدایاو ئاشتی و پارتوو هەرێمە دیموکراتیکەکا (دەبەپە) و پارتوو یەکسانی و دیموکراسیی گەلا (دەم پارتی) و چندین کەسێ بەشدارێ چالاکییەکەی بێنێ. چالاکییەکەنە پەرسە جە چارەنویسوو فەیسەڵ ئاسڵانی کریا، فەیسەڵ ئاسڵان ساڵەو ١٩٩٤ کوشیا و جەنازەکەش ئەشکەنجە دریا. برازاو فەیسەڵ ئاسڵانی، ڕۆژدا ئاسڵان، چیرۆکەکێش گێڵناوە.

ئەزمیر

لەقوو ئەزمیروو ئیهەدەی وەردەموو سۆمەربانکی وەڵینینە، ئەرەیاونایش واناوە.

نوێنەروو ڕێکوزیا مەدەنییەکا و هاموەڵاتا بەشدارێ بێنێ، چالاکییەکەنە پەرسی جە چارەنویسوو ئیکرام میهیازی کریا و داواو دادگایی تاوانبارا کریا. ئیکرام جە ٥و تەمووزو ١٩٩٤ ئڕفانیا و کوشیا. ئەرەیاونایەکە بە کوردی و تورکی ونیاوە.

ئاماژە پانەیە کریا ٢٠ ساڵێ سەروو دۆسیەکەو ئیکرامیرە ویەردەن و دۆسیەکە وزیانەرە، ئەوەخوای کریاوە بە ویەردەی وەختی تاوانبارێ دەربازێ بانە و پەنەوازا بێ سزا نەویەرانە.