سکەندەناڤیانە بانگەوازکریا پەی چالاکی جە ٢ ۍ کەڵەهەرزینە
نەجەدەکە داواش جە کوردەسانیا و دۆسەکاشا جە سکەندەناڤیانە کەرد کە ٢ ۍ کەڵەهەرزی (تشرینی دووەم) پەی ئازادی ڕابەرو گەلوو کوردی عەبدوڵا ئۆجالانی "ژیۋای مردنا".
بە داواو ئازادیی جەسەیی ڕابەرو گەلوو کوردی عەبدوڵا ئۆجالانی جە ٢ ۍ کەڵەهەرزینە جە ستۆکهۆڵم و مالمۆ و ئۆسلۆنە چالاکی ئەنجام مڎریۆ. ناوەندو گلېرگەو کوردی دیموکراتیکی (نەجەدەکە)_سکەندەناڤیا، بە ئەرەیاۋنێوە نوویسیا داواش جە کوردەسانیا و دۆسەکاشا کەرد کە بەشداری چالاکییەکا بکەرا.
نەجەدەکە داواش کەرڎە "ئێمە ژیۋای مردنمۍ و بەشدارۍ چالاکییەکەی بیمۍ"، ئەرەیاۋناش پەنەوازا کورڎەسانیا و دۆسەکێشا جە سوید و نەرویج و دانیمارکەنە بەشداری چالاکییەکەی بکەرا و پەیوەسبیەی ۋێشا بە ڕابەرو گەلوو کوردی عەبدوڵا ئۆجالانی بەشێوێوە قەوەت نیشانە بڎا.
چالاکییەکۍ ٢ ۍ کەڵەهەرزی درێژەپنەدەرۍ چالاکییەکا هەڵمەتەو مېیاننەتەوەیی "ئازادی پەی عەبدوڵا ئۆجالانی، چارەسەری سیاسی پەی پەرسو کوردی" بۆ. نەجەدەکە ئەرەیاۋناش ئی هەڵمەتۍ پەی گەلوو کوردی و تەمامو مرۆڤایەتی گرنگیێوە تاریخیش هەن، پەی ماڕای گۆشەگیری ئیمراڵی و مسۆگەرکەردەی ئازادیی جەسەیی ڕابەرو گەلوو کوردی عەبدوڵا ئۆجالانی دەرفەتێوە گۆرەن.
نەجەدەکە ئەرەیاۋناش داوای سەرەکیشا ئازادی جەسەیی ڕابەرو گەلوو کوردی عەبدوڵا ئۆجالانین، ماچۆ: "تا هۆرشێۋنایۆ سیستەمو ئیمراڵی و چارەسەری پرسو کوردی، ئەرەکۆشایما بەردەوام بۆ. پەنەوازا بەشێوێوە قەوەت بەشداری ڕاپیماکەو ستۆکهۆڵمی و مالمۆی و ئۆسلۆی بکەرمۍ و دژو ئا گرڎو ناهەقییا جە کەسایەتی ڕابەر ئاپۆینە ۋەرا ۋەر بە گەلوو کوردی مکریۆ، واچمۍ "ئیتر وەسێن".
