شارو کۆڵنو ئەڵمانیاینە پەی ئەندامو شاندو ئیمراڵی و پەرلەمانتارو دەم پارتی سری سورەیا ئۆندەری مەراسیمێوە یاڎکەردەیۆ ئەنجامدریا.

دماو دەیەقێوە ڕێزگێرتەی، هاموتەواچەو دەم پارتی ئەڵمانیای لەیلا ئیمرەتە قسێش کەردۍ و جەختش کەرڎۆ درێژە پا میراتو ئاشتییە مڎا کە سری سورەیا ئۆندەر جیاش ئاست.

سەرۆکو فەخری هەدەپەی، ئەرتوغرول کورکچو قسێش کەرڎۍ و ئەرەیاۋناش سری سورەیا ئۆندەر کەسایەتیێوە تاقانە و هێماو چەوەسیاکا و مڎرامان کەرا بۍ.

هامسەرۆکو کەنەکەی ئەحمەد کاراموس واتش: "ئا نموونەی پارێزنەرو ئاشتی و دیموکراسی بۍ. یاڎو ئاڎیی جە ئەوەکۊشایمانە زیڼە ڕاگێرمۍ".

ڕامېیاریمەدارو کوردی خەتیب دیجلە واتش: "ئاڎ پەی چارەسەری ئاشتییانەی و دیموکراتیکی پرسو کوردی و ئازادیی بەڎەنی ڕابەر ئاپۆی، سەرمەشقایەتی ئەوەکۊشایۍ ئازایانەش کەرد".

ڕامېیاریمەدارو کوردی ئیدریس بالوکەن، ئەرەیاۋناش حیچ وشێوە نمەتاوۆ وەسفو ئەوەکۊشای و کۊششەکا سری سورەیا ئۆندەری بکەرۆ.

هامسەرۆکۊو کەجەدەکەی-ئە زوبەیدە زومروتە ئەرەیاۋناش شۊنکۊتۍ ڕا و ئەوەکۊشای ئۆندەری با.

بەنامۍ تەژەکە-ئەی ئایتن کاپلانە قسێش کەردۍ، دماتەر براو سەڵاحەدین دەمیرتاشی، سولەیمان دەمیرتاش و دۆسا ئۆندەری قسێشا کەردۍ.

دماتەر پەرلەمانتارا وەڵینو هەدەپەی و ڕامېیاریمەدارا تاراوگەنشینی، پێشوازیشا جە سەردانیکەرا کەرد و یاڎەکە دمایش ئاما.