چالاکییەکە بە سەرمەشقایەتی تەڤگەرو جوانا شۆڕشگێڵی (تەجەشە) پەی ئازادی جەسەیی ڕابەر ئاپۆی ئەنجام دریا.

لۆزان

مێڏانو ڕوەو ساینت لاورینتی لۆزانینە، ئەندامێ تەجەشەی گلێرێ بیێوە و داواو ئازادی جەسەیی ڕابەر ئاپۆیشا کەرد.

سەرۆکو شارەوانی لاوسان پۆپ، جولیان شواب پەشتگیریشادا بە چالاکییەکەی و واتش: "سەرەڕاو ئا جەنگەیە چنین ساڵێن جە دژو گەلوو کوردی ملۆڕاوە، بەڵام گەلوو کوردی گەلێوە زینەن و گرڏ کاتێ داواو ئاشتی مکەرۆ."

جولیان شواب سەرنجش وست سەرو بانگەوازییە تاریخییەکەو ٢٧و شوباتو ڕابەر ئاپۆی و دەسنیشانش کەرد بانگەوازییەکە پەی دمای ئاردەی بە جەنگ و پەڕایۆ پەی ئاشتی  بێو واتش: "پەنەوازا سویسرا گرڏ هەرمانێ بکەرۆ پەی ئازادی جەسەیی ئێژا عەبدوڵا ئۆجالانی و فشار سەرو تورکیای بکەرۆ."

حەر جە گلێرۆبییەکەینە هامسەرۆکو چاندو کوردی لۆزان، موسا ئیتاح قسێش کەردێ و ئاماژەش پانەیەدا سەرەڕاو گۆشەگیری سەختو ئیمراڵی ڕابەر ئاپۆ پرۆسەو چارەسەریش دەسپنکەرد و واتش: "گەلوو کوردیچ خاوەنداریش چی بانگەوازەیە کەرد و پەی بنیادنییاو گلێرگێوە دیموکراتیکی هەنگامری گرنگەش نییا."

دماتەر سەرو نامێ تەجەشەی، ئەحمەد تۆری وەڵاکەردەیۆ زانیاریاریش واناوە و دەستنیشانش کەرد تا ڕەخسناو ئازادی جەسەیی رابەر ئاپۆی  مێڏانەنە بیمێ و بەردەوامێ بیمێ  چالاکینە.

گلێرۆبییەکەی بە واتەیۆ درووشمی دمایش ئاما.

وینتەرتور

چالاکییەکە جە وینتەرتورەنە بە گلێرۆبییە و واتەیۆ درووشمی دەسش پنەکەرد. دماتەر ئەندامو تەجەشەی میران مێردین قسێش کەردێ و دەستنیشانش کەرد جوانێ کوردەسانی پەی ئازادی جەسەیی ڕابەر ئاپۆی جە مێڏانەکەنە بانە و چالاکی وەرفراوانتەر ئەنجام مڏانە.