تەڤ-چاند جە نامێوەنە یاڎو تاتەو تەیاریش بەرز ڕاگېرت کە پەی بنەیانەو شانۆکاری جومعە خەلیل ئیبراهیم (تاتەو تەیار)یش کیاستەن و واتش: " هەمیشە هەڤاڵ جومعەی بە سەرمەشقو ۋێما موینمۍ و بەردەوامۍ بیمۍ سەرو ڕا و ئامانجیش."
تەڤگەرو کەلتوور و هونەری (تەڤ-چاند) نامێوەش پەی بنەیانەو جومعە خەلیل ئیبراهیمی (تاتەو تەیار)ی کیاستەن، کە جە مڎرامانو بەنداوو تشرینینە جە کاتو چالاکی ئێشکگیرینە جە ١٩و کانوونو دووەمینە جە ئاکامو هرووژمێوە دۊڵەتو توکی ئەرەگیرینە گەشمەرڎە بی.
تەڤ-چاند جە سەرەتاو نامەکەیشەنە ئاماژەش پانەی دا، مزانا جە دەسدای هەڤاڵ جومعەی پەی بنەیانەکەیش چڼ سەختا و حەجگیز یاگێش پەڕنمەکریۆوە و ئامان: "هەڤاڵ جومعە پەی بنەیانەکەیش چڼ جە دەسدایۍ سەخت بۍ، پەی گەلو کوردەسانی و گرڎو کوردیچ ئاڼنە جە دەسدایۍ سەخت و گۊرەن کە حەجگیز یاگێش پەڕە نمەکریۆوە. هەرپۊکەی پېسە تەڤ-چاندی ئێشەکەما فرە گۊرەن. هەڤاڵ جومعە هەرپاسە گەشمەرڎە نەبی؛ دلۍ چالاکینە و جە دماو هۊرسەنگنایەکا پېوەس بە ئەرەگیری تورکینە گەشمەرڎە بی. هەر پۊکەی فرە بە ئاسودەیی متاومۍ واچمۍ؛ وڵاتپارێزنی و چالاکییەکێش جە دژو ئەرەگیری، دۊڵەتو تورکی تەنگەتاو کەرۍ، پۊکەی دۊڵەتو تورکی ئەرەگیری کەردش بە ئامانجو هرووژمەکاش. بە تایبەت کریا ئامانج؛ ئانە پەی ئێمە فرە کراوە و ماناڎارا. دۊڵەتو تورکی ئەرەگیری گرڎ کوردێ پېسە دژمنی موینۆ پەی دلېنەبەردەی، بەڵام ئانۍ کە پېسە هەڤاڵ جومعەی بێنۍ بە تایبەتی کەرۆشا ئامانج. گرڎ وڵاتپارێزنێوە کوردی ئینەی مزانۆ. هەڤاڵ جومعەیچ ئینەی زانۍ و هەرمانەکاش پی زانایۆ ئەنجام دۍ."
جە بەردەوامی نامەکەینە ئاماژە پانەی کریان هەڤاڵ جومعە هەمیشە پەڕ بێ جە هەستی وڵاتپارێزی و چی ڕوۆ هەرگیز پاشەکشێش نەکەردەن و ئامان: "بەهەرمانەکاش، بە هونەرەکەش، بە هەڵوێس و پەی لواکێ هەمیشە پاڵو گەلەکەیشۆ بییەن. چنین زاڕۆڵێ، جوانێ، ژەنی و پیا بە هونەر و هەڵوێسو هەڤاڵ جومعەیۆ بە وڵاتپارێزی وێشا پەروەردە کەرد و پاڵو گەلینر هەڵوێسو وێشا بەربڕی. هەڤاڵ جومعە پەی گەلوو کوردی هێزێوە فرە گۆرە بێ. هەرپاسە جە هونەرو شانۆی کوردیینە مامۆسێوە گۆرەبێ، کە یاگێ ئاڏی پەڕە مەبۆوە. بە هونەر و چالاکییەکاش پێسە و مەکتەبێوە بێ."
جە درێژەو نامەکەینە دەستنیشان کرینا تاتە و تەیاری بە زوانێ ئاسان، بەڵام بە ڕۆحی وڵاتپارێزی هونەرەکەش پێشکەش کەرد و وچیا: "فرە بە ئاسودەیی تاومێ واچمێ، هەڤاڵ جومعە بە هونەرەکەش ڕاو شانۆو کوردیش نیشانە دایمێ، ئایندە و شانۆو کوردیش متەنەرە. وەرو ئی مەڵامەتەی دۆڵەتو تورکی ئەرەگیری هەڤاڵ جومعە-تاتە و تەیاریش بە ئامانج گێرت و گەشمەرڏەش کەرد. دما و وێش ژیوایێ پاک، ڕێوە ڕۆشنەش پەی جیا ئاستیمێ.
جە دماین و نامەکەینە تەڤ-چاند واتش: "پێسە و تەڤگەرو کلتوور و هونەری دیموکراتیکی (تەڤ-چاند)، بە یاڏەوەری و میراتو هەڤاڵ جومعەیۆ شانازی مکەرمێ. ئێمە هەڤاڵ جومعە کە گەلەکەما پێسە و تاتەو تەیاری مشناسۆش، پێسە و ڕانیشاندەرێوە نەمری وینمێش و درێژە بە ڕا و ئامانجش مرەیمێ. هەمیشە جە ژیوای و هونەرەمانە یاڏش مکەرمێوە. بێگومان هیوا هەڤاڵیما جە ئەوەکۆشای و هونەرینە بە سەرکەوتەی یاونمێش، دمای بە دەسەڵاتو دۆڵەتو ئەرەگیری جە کوردەسانەنە مارمێنە و ئاڵاو شانۆو کوردی شۆکنمێ. جە ئەوەکۆشای و هونەرەکەیمانە هەمیشە یاڏش مکەرمێوە. جارێوە تەر هامبەشو ئێش و بنەیانە ئێژاکەیشا بیمێ و سەرەوەشی جە بنەیانەکەیشا مکەرمێ. سەرە و بنەیانەکەیش و سەرو گەلوو کوردی ساغ بۆنە.
جە کەشە ئازادەکاوە سڵام و ڕێزو شۆڕشگێڵنی..."
