دەسەی ڕاۋەبەری تەڤگەری ئازاڎیی سەبارەڎ بە گەشمەرڎەکەرڎەو ئەنڎامو جەمەو کرێکارا میزۆپۆتامیای، حسێن ئاراسانی، یاۋنەریۍ نۋیسیاش ۋەڵاکەرڎۊ.

جە ئەۋەڵو یاۋنەریەکەینە ئامان، "حسێن ئاراسان ھاموڵاتی سەرنیشتوو کورڎسانیاو ساڵانێوەن پېسە پەناهەنڎەی پانیشتوو کورڎسانینە ئەرەنیشتەبیەن".

درێژەو یاۋنەریەکەینە ئامان: "ېاگۍ ئەسەفیا حەتا ئیسە ھێزە ئەمنییەکۍ وەران ۋەرو ۋنەو کورڎا ئازاڎییواز و پەناهەنڎانە فرە کەمتەرخەمانە ھەڵسوکۊت مکەرا، ئا ئاژە نا ئەمنیەتیەو شارەکا پانیشتوو کورڎسانی نیشانۍ ئەو پەڕو ناوەرپەرسی و نیشتیمانیی و نا ئەخلاقیی مرۆڤایەتیی و کورڎبیەین، ئەشیۍ حیچ وەختۍ ئەخلاقی کۊمەڵایەتیی و کورڎ بیەیما ڕاش نەڎابیۍ چېرو هەیمەنەو ئی حکومەتەینە پا جۊرە هجوم کریۊنە سەرو کەسانێوە کە وەرو کورڎبیەی و ۋیروڕای ئازاڎیشا هاناشا پۍ خزم و کەسو ۋېشا ئارڎەن.

بێدەنگیی و بۍ ھەڵۋێسی لایەنی سیاسیی و رێکوزیاکا مافو مرۆڤی و نەتەوەییۊگېرتەکا چا بارۊ نیشانۍ وڕاو ئەخلاقی سیاسیی و مرۆڤایەتیین؛ پۊکەی داوا جە کەسایەتیە ئازاڎیوازەکا و لایەنە پەیوەنڎیدارەکا کەرمۍ دەورو ۋېشا گېڵنا پۍ ئانەی ڕاگیری کەرمۍ جە تیرۊرو دەوڵەتو فاشستی تورکی پانیشتوو کورڎسانینە.

چېگۊ سەرەوەشیی جە خانەواڎە و کەس و کار و هامڕایا گەشمەرڎە حسێن ئاراسانی کەرمۍ و داواو چنەۋیەرڎەی کەرمۍ کە پانیشتوو ۋڵاتی شۊنۍ ئارامە نەبۍ پۍ شمەی کورڎی ئازاڎیی".

هـ .ش