وەڵێ سەرۋنەدایەکەو سودانینە شاندێوە عێراقی یاوان تورکیا
باڵیۆزو عێراقی ئەنقەرەنە ئاشکراش کەرد، شاندێوە عێراقی یاوان تورکیا و چەمەڕا کریۆنە سەرۆکوەزیرانو عێراقی چی هەفتەنە سەر ۋنەو تورکیای بڎۆ.
ماجد لەجماوی باڵیۆزو عێراقی جە ئەنقەرەنە بەیاننامێوەنە ئاشکراش کەرد کە ئارۆ شاندێوە عێراقی پەی ئامادەکاری سەردانەکەو ئی هەفتە و سەرۆکوەزیرانو عێراقی محەمەد شیاع سودانی یاوان تورکیا.
بەپاو بەیاننامەکەی، شاندەکە ئارۆ بە سەرۆکایەتیی محەمەد ڕەزا حسێنی و نوێنەرو وەزارەتی و ئەرەمەزنارەو پەیوەندییەکا عێراقی، یاوان تورکیا.
باس چانەیە کریۆنە، سەردانە بە مەبەسو ڕێککەوتەین جە بوارو ئاسایشی، فاڕایۆ، پیشەسازی و ئابوورینە بۆنە.
بەپاو ئەرەیاوناکەی، محەمەد شیاع سودانی، سەرۆکوەزیرانو عێراقی چی هەفتەنە سەردانو تورکیای مکەرۆ دەربارە و وزەی، بازرگانی و ئاسایش ئینا بەرنامەو هەرمانەکاشەنە.
شایانو باسین وەزیرو فاڕایۆ تورکیای عەبدولقادر ئورالۆغڵو وەڵتەر ئەرەیاونابێش کە جە چن ڕۆی ئایندەنە سەرۆکوەزیرانو عێراقی سەردانو تورکیای مکەرۆ و سەرۆککۆمارو تورکیای ڕەجەب تەیب ئەردۆغان ئێساڵ سەردانو عێراقی مکەرۆ.
