وەردەموو زیندانوو ژەناو باکرکۆینە، چالاکیی "دەنگیت بوزە پاڵوو ئازادی" کریا. چالاکییەکەنە قەومێ زیندانییا پاشا دژوو گۆشەگیری گێرتەرە. پەیاموو "تا ورگێرتەی گۆشەگیری، کۆشیای بەردەوام مبۆ"ی دریا.
بە سەرمەشقایەتیی قەوماو زیندانییا و چوارچوەو هەڵمەتەو ئازادیی پەی عەبدوڵا ئۆجالانینە و چارەسەری دیموکراتیک پەی پەرسەو کوردی "وەردەموو زیندانوو باکرکۆینە چالاکی "دەنگیت بوزە پاڵوو ئازادی" کریا. کۆمەڵەو ماف و پەشتیوانی جە بنەیانەو زیندانییا و حکومداریایاو مەڕمەڕەی (مە توای-دەر) و ئەدایاو ئاشتی و ڕاوەبەراو پارتوو یەکسانی و دیموکراسیی گەلا (دەم پارتی) و هاموەڵاتێ بەشدارێ چالاکییەکەی بێنێ.
جەماوەر بە چەپڵێ و هەلهەلێ بەرەو وەردەموو زیندانوو ژەناو باکرکۆی ڕاشا پیما و درووشموو "بژیوۆ مدرامانوو زیندانی" و "گۆشەگیری تاوانی ئینسانییەن" و "بە مدرامان سەرمگنمێ"یشا بەرز کەردۆ.
یوە جە ئەدایاو زیندانییا، فینجە ئاکمانە واتش پەنەوازا گرد کەسێوی بەویژدان ناڕەزایەتیی بەربوزۆنە وەراوەروو ئا چێواوە زیندانەکانە ڕووە مدانە.
دمایی چالاکیی ئەرەنیشتەی کریا و بەشدارێ وون چەپڵێشا کوێ، هامسەرۆکەو (مە توای-دەر) دیلەک سۆنمەز دەمیرە چالاکییەکەنە واتش تا گۆشەگیری ورنەگیریۆ، کۆشیای و چالاکییەکێشا بەردەوامێ با.
