وەڵې نیمەڕۆو ئارۆی، جە کتێبیانەو تەلارەو تەوارو سلێمانی، وۆرکشۆپو ئەرەیاۋنای 'پلاتفۆرمو یۊبیەی نەتەوەیی ژەنا کوردی جە پانیشتوو کوردەسانی' دەسشپنەکەرڎ و هەر ئارۆیچ پلاتفۆڕمەکە ئەرەیاۋېیۆ.

بە گوێرەو کارنامەو وۆرکشۆپەکەی، واچەو سەرەتای جە لایەنو شەیدا مەعرووفێوە ۋنیۆوە، دماتەر دیوان هۊرچنیۆ و گوزارشتەو پلاتفۆرمەکەی جە لایەنو سارا ڕەزایۆ ۋنیۆوە. جە درێژەنە پێشنیار و ڕاسپاردەکې ۋنیاوە و جە دمادمایچەنە بە دەرەنجامێوە 'پلاتفۆرمو یۆبیەی نەتەوەیی ژەنا کوردی جە پانیشتوو کوردەسانی' ئەرەیاۋېیۆ. پلاتفۆڕمەکە بە ئامادەبیەی ژەنە سیاسەتمەدارا، چالاکا بوارو ژەنا، هونەرمەندا، نوویسەرا و کەسانی سەربەخۆی وەش کریۆ.

ئی پلاتفۆڕمە هەرمانە مکەرۊ پەی یۆبیەی و یەکڕیزی ژەنا جە پانیشتوو کوردەسانینە، هامکات هەنگامێوەنە پەی کار و چالاکییەکا ژەنا و هەرمانەو پێوەرە بیەی بە مەبەسو چارەسەرکەردەی کێشەکاو ژەنا و کێشە نەتەوەییەکا.