قسێش کەردە پەی ئاژانسو ئەسۆشێتید پرێسو ئەمریکی، وەزیرو دادو عێراقی خالید شوانی ئەرەیاوناش: "کاتێ دەسمان بە هەرمانێ کەرد، ڕێژەو زینانیا جە گرتووخانەکانە یەرێ ئنە و ڕێژەی ئاسایی بێ، بەڵام جەماوەو دووێ ساڵانە ئا ڕێژەما کەم کەردۆ پەی دووێ ئنەی . ئامانجمان ئانەن کە تا ساڵەی ئاینده ئی ڕێژەیە یاونمێ ستانداردێ مییاننەتەوەییەکا."

شوانی ئاماژەش پانەیشدا، جە چوارچێوەو یاساو ویەردەی گرڏی جە مانگە و کانوونو دووەمو ئێساڵینە، ٢ هەزارێ و ١١٨ زینانێ جە زیاننەکا سەر بە وەزارەتو دادی ئازاد کریێنی و اتش: "بەڵام ڕێکوزیاکا مافو مرۆڤ چانەیە نیگەرانێنێ کە قەرارو ویەردەو تاوانبارا گەندەڵی و تیرۆریچ گێرۆوە."

خالید شوانی دەستنیشانش کەردەن، بەمەبەسو چارەسەرکەردەو کێشەو یاگێ زینانیا، چوار زینانێ تازێشا وەشکەردێنی و شش زینانێ تەرێشا گۆرەتەر کەردێنێ. هامکاتەنە چنی وڵاتە جیاوازەکا سەبارەت بە ڕادەسکەردەیۆ سەدان زینانیێ بیانیێ داعشی ئەرەنیشتەینە بەردەوامێنێ.

خالید شوانی ئاماژەش پانەیش کەرد، بە پاو یاساو چنەوەشبییەی جە عێراقەنە، سزاو جە قەنارەدای هورگیریێنە.