فەرماندەیی یەکینەکاو مدرامانو شەنگالی(یەبەشە) بۆنەو ساڵڕۆو گەشمەردە بیەی ئەنداما ئەنجومەنو سەروازی گەشمەردە دیندار ئاڤێستا و هەریۆ جە چیا فەقیری و پیران پیری ئەرەیاونێوەش وەڵاکەردۆ بە ڕێز و پنەزانایۆ یاڎشا بەرز ڕاگێرتۍ.

جە ئەرەیاوناکەینە ئامان:

'سیخوڕو پەدەکەی و پاراستنی دەسشا جە هجومەکەینە هەن'

"پێسەو کلێرگەو ئێزدی بە قۆناغێوە تاریخیرە ویەرمێ. دووژمنەکێما بە گرڎی و بە تایبەت دەوڵەتو تورکی و هامکاری خیانەتکارش پەدەکە گرد جۆرێ ڕێبازێوە دووژمنکاریێ بەکار مارا. پۆکەی  بەتایبەت سەرمەشقا دژ بە داعشی مکەرۆ ئامانج و هەقە جە شکسپنەئاردەو داعشی مکەرۆوە. چی هەرمانایچەنە دەورو سیخوڕی پەدەکەی و پاراستنی کاریگەر و ڕۆشن و دیارا."

ئانەیچش وستەن ڕووە، پەی ئەنجامدای ئی ئامانجەو پەدەکەی بڕێ کەسی جە ئێزدییەکا بانۍ بە هامکارۍ و ئامان: "ئی هامکاری و بێحورمەتییە بیەن مەڵامەو ئانەی چنین فەرماندۍ و سەرمەشقێما جەدەس بڎەیمێ. چانیشا فەرماندۍ و سەرمەشقێما دیندار، چیا و پیران کە جە هجومو ١٧و ئەیلولو ٢٠٢٣نە جە  هجومێ ئاسمانی دەوڵەتو تورکینە گەشمەردێ بیێ."

جە درێژەە ئەرەیاوناکەینە دەور و ئەرکو گەشمەردە دینداری یاڎ مارمێوە جە ئەرەمەزنای هێزەکا یەبەشەینە و ماچۆ: "هامڕا دیندار یۆن جە سەرمەشقا جەنگیما دژ بە داعشی. جە ئازاد کەردەی فرەو مەنتیقەکا شەنگالی دەورێ کاریگەرش بیەن. بەشداربیەن جە ڕزگارکەردەی فرەو ناوچەکا شەنگالینە دەوری کاریگەرش بیەن. بەشداربۍ جە ڕزگارکەردةی چڼین ناوچا وەرنیشتوو کوردسانینە. ئامانجش قوڵبییەیۆ بۍ جە حەقیقەتو ڕابەر ئاپۆی،جەساڵەو ٢٠١٥ینە بەشدارو یوەمین پەروەرەدەو وێش مبۆ جە شەنگالەنە."

'پەی وەرگریکەردەی جە دۆز و دەسکۆتەکا گرڎ وەختێ جە ئەرەکۆشاینە بۍ'

هەر جە بەردەوامینە باس جە ئەرەکۆشای گەشمەردە چیا فەقیری و  پیران پیری مکەرۆ و ئامان: "هامڕا چیا فەقیر یۆبێ جە فەرماندەکاما کە دەورێ گەورەش گێڵنا جە جەنگو دژ بە چەتەکا داعشینە. جە کەسایەتی وێشەنە جەنگاوەرێوە ئاپۆییش خوڵقنا. وە هامڕا پیران پیر کە یۆ بیەن جە ڕۆڵەکا گەلەکەیما و جە چینو پیران کە گرڎ وەختێ نوێنەرایەتی جەوهەری و بەهاکا گلێرکەکەیماش کەردەن. سەرەڕاو ئانەی کە تەمەنو جوانی وێش جە هزر و ڕامانەکا ڕابەر ئاپۆینە قوڵکەردۆ و کەردێش بە بنەماو ژیوای ئەرەکۆشای وێش."

جە دما دمایی ئەرەیاوناکەینە پەیامو بەردەوام بیەی سەرو ڕاو گەشمەردا و حەقەکەردەیۆ ۋنەو گەشمەردا دریان و ماچۆ: "جارێوەتەر ئاگاڎیی مڎەیمی پا کەسا کە هەست بە غەڵەتو و تاوانەو وێشا مکەراو و ماچمۍ؛ چڼە بەردەوامێ بیدی سەرو ئا هەرماناتا ئانە حەق ۋنەکەردەیۆتا سەر قورستەر مبۆ. پەنەوازا گرد کەسێ بزانۆ جە دماینە ڕاو سیخوڕی هەر پەشیمانی و ڕووسیاویا. پێسەو گلێرکەو ئێزدی حیچ وەختێ چا کەسا وەشێ مەبیمۍ کە دەسشا بییەن جە ۋنەو ڕۆڵەکا و هامڕاکامانە، مشۆم باجو تاوانەکاشا بڎا."