هامسەرۆکو شارەوانی گۆرەشارو مێردینی ئەحمەد تورک کە قەیوم شۆنەکێشەنە نریانەرە، چنی سەرۆکو پارتو گەلەجەک (ئایندە)ی و سەرۆک شالیاری وەڵینو تورکیای ئەحمەد داودئۆغڵۆی کۆبیۆ. جە دیڎارەکەنە داودئۆغڵو دۆسیێوەش جە بارەو روانگەکا سەرو پرسو کوردی پێشکەش بە ئەحمەد تورکی کەرد. دماوگلێرۆبیەیۍ وزیایرەی کۆنفڕانسێوە رۆنامەوانی هامبەششا ئەنجامدا.

ئەحمەد تورک سەرەتا قسێش کەرڎۍ و باسش چانەی کەرڎ کە سەرو پرۆژێوە دیموکراتیکی پەیلوایشا فاڕانۆ.

ئەحمەد داودئۆغڵویچ لاو ۋێشۆ ئەحمەد تورکش پېسە "سەرۆکو شارەوانی گۆرە شارو مێردینی" بەنامۍ کەرڎ و بانگەوازش پەی دیموکراسی و دیالۆگی ئەرەیاۋنا. ئەحمەد داودئۆغڵو باسش چانەیە کەرڎ کە ۋەرپرسیاری تاریخی تورکیای ئانەنە کە قەوەتتەرین عیلاقەش چنی کوردا جە سوریا و عێراقەنە ساز بکەرۆ.

داودئۆغڵو سەرەوەشیچش جە ئەحمەد تورکی کەرڎ، کە شەوەی ۋېیەرڎۍ واڵەکێش عەمرەو خوڎایش کەردیبۍ.