چەتەکانی داعش لەسەر ڕێگەی سپی باشووری حەسەکە بە ماتۆڕسکیلی بۆمبڕێژکراو هێرشێکی خۆکوژییان ئەنجامدا، ماتۆڕسکیلی دووەمی بۆمبڕێژکراو کە لە شوێنی ڕووداوەکە هەڵات، بەڵام شۆفێرەکەی لەلایەن هێزەکانی ئاسایشەوە دەستگیرکرا، لە هێرشەکەدا ٣ شەڕڤانی قەسەدە برینداربوون.
ماتۆڕسکیلێکی بۆمبڕێژکراو لە نزیک ناوەندی ڕاگەیاندن لەسەر ڕێگەی سپی لە گوندەواری باشووری حەسەکە تەقییەوە. لە ئەنجامی تەقینەوەکەدا ٣ شەڕڤانی هێزەکانی سوریای دیموکراتیک (قەسەدە) برینداربوون. دووەمین ماتۆڕی بۆمبڕێژکراو ل شوێنی ڕووداوەکە هەڵات، بەڵام شۆفێرەکەی لە گەڕەکی هۆش بەعیر لەلایەن هێزەکانی ئاسایشەوە دەستگیرکرا.
ڕێکاریی ئەمنی توند لە شوێنی ڕووداوەکە گیرایەبەر و لێکۆڵینەوە دەستی پێ کرد.
قەسەدە ڕایگەیاند لە کاتژمیر ٥:٤٠ لە نزیک چواڕریانی پانۆراما لەسەر ڕێگەی سپی _حەسەکە شانە تیرۆریستییەکانی داعش ماتۆڕسکیلێکی بۆمبڕێژکراویان تەقاندەوە کە خۆکوژێک لێی دەخووڕی ، لە ئەنجامدا ٣ شەڕڤان بە سووکی برینداربوون.
