تەرمی شەڕڤانی هێزەکانی سوریای دیموکراتیک(قەسەدە)، شەهید خەسان جاسم ئەل ئیلاوی، کە لە ١٠ی تشرینی دووەم بەهۆی جەڵتەی دڵەوە گیانی لەدەستدا، بە بەشداری دانیشتوانی تل حەمیس و ئەندامانی ڕێکخراوەکانی کۆمەڵگای مەدەنی، پارتە سیاسییەکان، هێزی سەربازیی، سەرۆک هۆزەکان و بەساڵاچووانی شارەکە لە گۆڕستانی تل حەمیس بە خاک سپێردرا.

لە مەراسیمی پرسەکەدا فەرماندەی ئەنجومەنی سەربازی تربەسپی، محەممەد زێدان ڕایگەیاند، شەهید خەسان نموونەی فیداکاری و وڵاتپارێزی بوو و لە نێو هەڤاڵانیدا خاوەن پێگەیەکی هێژا بوو.

هەروەها حەمزە ئەل خەلەف، ئەندامی مەجلیسی بنەماڵەی شەهیدانی تل حەمیس قسەی کرد و سڵاوی لە تێکۆشان و فیداکاری شەهیدان بۆ بەدیهێنانی ئارامی و ئاشتی کرد.

هاوسەرۆکی لێژنەی ئایینی شارەکە و کەسایەتیەکانی شارەکە لە مەراسیمەکەدا جەختیان لە سەر یەکگرتوویی پێکهاتەکانی ناوچەکە لە سەر پڕۆژەی خوشک و برایەتی گەلان بەگوێرەی بیرۆکەکانی ڕێبەر عەبدوڵا ئۆجالان کردەوە.

پاشان ناسنامەی شەهید خوێندرایەوە و ڕادەستی بنەماڵەکەی کرا. بەشداربووان نوێژیان تەرمەکەیان کرد و بە خاکیان سپارد.

جێی ئاماژەیە بەشداربووانی مەراسیمەکە سۆز و بەڵێنی خۆیان بە شەهید و ڕێبازی تێکۆشانی دووپات کردەوە.

بنەماڵەی شەهید ڕایانگەیاند لە ماڵی خۆیان پرسە بەردەوام دەکەن.