هونەرمەڼا تەڤ چاندو ئۆروپای جە چوارچێوەو هەڵمەتۆو "ئازادی پەی عەبدوڵا ئۆجالانی، چارەسەری سیاسی پەی پرسو کورد"ی و پەی ڕاپیمای ١٦و مانگۍ کە شارو کۆڵنینە ملۆڕاوە، ئاوازێوە تازەشا بە نامۍ "جە قادانە"ی بەرهەم ئارڎەن.

تەڤ چاند ئۆروپا جە بەیاننامێوەنە ئەرەیاۋناش، بە دروشمۆو "هونەری ئازاد پەی ئازادی" ئاوازێوە تازەشا ئاماڎە کەردەن و ئەرەیاۋناش: "تا ئیساتۍ بە چڼین چالاکیۍ هونەریۍ و کولتوورۍ جیاوازۍ جە هەڵمەتۆو جەهانی ئازادینە بەشداریما کەرڎەن. جە دلێینەو ئاوازەکەینە باس جە پێوەس بیەی گەلوو کوردی بە ڕابەر ئاپۆیۆ مکەرۆ. هەرپاسە باس جە فیداکاری و چالاکیەکاش مکەرۆ، بەتایبەتی چی حەفتا دماینە، کە ڕوانە دژو سیاسەتو کۆمکوژی ئینا مێڎانەنە.