تەژەکە-ئە پەی بەشداربیەی جە ڕاپیماو کۆڵنینە بانگەوازش کەرڎ و ئەرەیاۋناش، "ئەرکی سەرەکیما مشۆم مسۆگەرکەردەی ئازادی جەسەیی ڕابەر ئاپۆی بۆ. ڕۆ ڕۆو وەرفراوانکەردەی و ئەرەکۆشای و ڕاپیمای سەرکۆتەین."
تەڤگەرو ژەنا کوردی ئۆروپانە (تەژەکە-ئە) دەستنیشانش کەرد کە جە کەسایەتی ڕابەر ئاپۆینە هجومە ئەرەگیرییەکۍ دۆڵەتو تورکی پەی سەرو گەلو کوردی بەردەوامێنۍ و ئەرەیاوناش: "جە دژو ئی هجوما، ئێمەی ژەنا ٢٧ ساڵێن پەی ئازادی جەسەیی ڕابەر ئاپۆی، ئازادی کوردەسانی و دیموکراتیبییەی وەرکەوتو مېیامینی بە شێوێوە وەرفراوان ئینایمێ مڎرامانەنە، کات کاتو ئەرەکۆشاین."
جە ئەرەیاوناکەینە ئاماژە بە ئەرەکۆشای و چالاکی ژەنا کوردی، گەلو کوردی و دۆسا کوردی کریان کە جە چوارچێوەو هەڵمەتەو 'ئازادی جەسەی ڕابەر ئاپۆی'نە ئەنجام دریان و ئامان: "هەڵمەتەو ئازادیما ئەنجامی گرنگش بەدەس ئاردەن. کەمامەی ساختەو دۆڵەتو تورکیش هۆرماڵان." ئاماژەش پانەیچ کەردەن کە، تا مسۆگەرکەردەی ئازادی جەسەیی ڕابەر ئاپۆی جە ئەرەکۆشاینە بەردەوامۍ با.
بانگەواز پەی بەشداری جە ڕاپیمای گۆرەو کۆڵنینە
جە ئەرەیاوناکەینە داواو بەشداربیەیۍ قەوەتی و وەرفراوانی جە ڕاپیماو ١٦و تشرینو دووەمو کۆڵنیینە کریان و ئاماژە پانەیە کریان کە گرد هەرمانێشا کەردێنە پەی بەشداریکەردەی ئازادیوازا و ئامان: "جە ١٦و تشرینو دووەمینە بە دروشمۆو 'تیشەکەکا وەری' دەنگما هۆربڕمۍ. سەرو ئا بنەمایا داوا جە ژەنا و جوانا، گەلەکەیماو، دۆساما و گردو ئا هێزا کە دژو سیستەمینۍ مکەرمێ پەی مسۆگەرکەردەی ئازادی جەسەیی ڕابەر ئاپۆی، پەی ئەرەمەزیای گلێرگەی ئازادی جە ١٦و تشرینو دووەمینە جە شارو کۆڵنو ئەڵمانیاینە بەشداری ڕاپیمای گۆرەی تاریخی بیمۍ."
جە دماینە جەخت چانەی کریانۆ کە هەر ئاژێوەنە بۆ، مشۆم گۆشگیری ئیمراڵی کریۆ بە ڕۆژەڤ و ئاوەزیەتو دژە مرۆڤایەتی و دژە ژەنی دلێنەبریۆ و ئی پەیامە دریان: "ڕۆ ڕۆو وەرفراوانکەردەی ئازادیین، ڕۆو ڕاپیمای ئازادیین."
