هەپەگە یاڎو ٣ گەشمەرڎاش بەرزڕاگێرت
هەپەگە یاڎ و ویرەوەری ٣ گەریلایا گەشمەرڎاش بەرزڕاگێرت و ئەرەیاوناش: "هەمڕێما خەمگین، خوێنرێژ و رێبەر جە گرڎو مېڎانەکانە هێماو ژیوای و ئەرەکۆشای گیانبازی بێنێ".
جە ئەرەیاونێوە مېیانو ئەرەیاونای و چاپەمەنی هەپەگەینە جەبارەو ئا گەریلا گەشمەرڎاوە ئامان:
"جە ساڵڕۆو گەشمەردەبیەیشانە بەڕێز و پنەزانایۆ یاڎو هەمڕایاما خەمگین، خوێنرێژ و رێبەری مکەرمێوە کە جە هجومەکا دژمنینە پەی سەرو هەرێمەکا پارێزنای مەدیای جە ١٤و تشرینو دووەمو ٢٠١٩ ینە گەشمەرڎێ بییێ.
هەمڕێما خەمگین، خوێنڕێژ و رێبەر جە قۆناغێوەنە کە هجومە قڕکەرەکێ جە دژو گەلەکەیما جە سەراسەرو کوردەسانینە چڕۍ کریێبێنێوە، بە بێ ساتێ دووەدڵی و دردۆنگی ئەرک و وەرپرسیاری وێشا گێرت ئەستۆو پێوەس بێنێ بە ئەرەکۆشای و ئازادی گەلەکەیماوە. هەمڕێما خەمگین، خوێنڕێژ و رێبەر کە بە رۆشنۋیری و ئا ئەرەکۆشایە جەلایەنو شۆڕشو ئازادیۆ کە بە سەرمەشقایەتی پارتەکەیما پەکەکەی کوردەسانەنە ئامابێ ئاراوە گەشەشا کەرد و بە ئەشناسای راسی دژمنی جە تەمەنو جوانینە گەورۍ بیۍ، هەر کە کاتیچش ئاما پێوەسۍ بیی بە ریزەکا ئازادییۆ و ئەرکشا وەرا وەر بە گەلەکەیما بە یاگێ یاونا. هەمڕاکێما کە زاناشا ژیوای تا ئا کاتە بە قیمەتا کە بە مەعنا و ئازاد بۆ، وێشا پەی ئەرەکۆشای تەرخان کەرد و زانێنێ کە ئینەیچ بە فەلسەفەو ئازادیی ڕابەر ئاپۆی دەسەبەر بۆ. هەمڕێما خەمگین، خوێنڕێژ و رێبەر ئامادەبییەیشا گرڎ یاگێنە کە هجوم کریێ سەرو ژیوای ئازادی گەلەکەیما، بە ئەرکو شۆڕشگێڵنی وێشا زانێنێ، هەر مێڎانێنە بیۍ با بیێنێ بە هێماو ژیوای و ئەرەکۆشای گیانبازی. ئاڎێ بە پابەندبیەیشا بە بەهاکا، کە تا دما هەناسە بڕواشا پنەش بۍ و بیێ بە دیارتەرین نمونەو جیلی شۆڕشگێڵنی کوردەسانی. ئێمە پێسەو هامڕایاما قەولمڎەیمێ کە ئا ئەرکە شۆڕشگێڵنیەی هامڕەیاما خەمگین، خوێنڕێژ و رێبەری رادەسو ئێمەشا کەردەن و ئەمرەشا پنەکەردێنمێ بە سەرکۆتەی بەئەنجامش بیاونمێ، بە سەرکۆتەی تاجدارش مکەرمێ.
جارێوە تەر بەرێز و پنەزانایۆ ساڵڕۆو گەشمەرڎەبییەی هەمڕایاما خەمگین، خوێنڕێژی و رێبەری بەرزڕاگێرمێ و سەرەوەشی وێما ئاراسەو گردو گەلە وڵاتپارێزنەرو کوردەسانی و بنەیانەی قارەمانو گەشمەرڏاما مکەرمێ.
زانیاری جەبارەو ئشناسنامەو هەمڕا گەشمەرڎەکاما پی جۆرەنە:
ناسنامۍ / خەمگین ئۆرەمار
نامۍ و دما نامۍ / بەهجەت گورداڵ
شۆنەماو جە ئەڎابیەی / جۆلەمێرگ
نامۍ ئەڎۍ و نامۍ تاتەی / سارا - شەریف
شۆنەماو کاتو گەشمەرڎەبیەی / ١٤و تشرینو دووەمو ٢٠١٩/ هەرێمەکۍ پارێزنای مەدیای
*****
ناسنامۍ / خوێنڕێژ سپێرتی
نامۍ و دما نامۍ /مەحمود بۆزکورت
شۆنەماو جە ئەڎابیەی /شڕنەخ
نامۍ ئەڎۍ و نامۍ تاتەی /ئاسیران- حاجی
شۆنەماو کاتو گەشمەرڎەبیەی /١٤و تشرینو دووەمو ٢٠١٩/ هەرێمەکۍ پارێزنای مەدیای
*****
ناسنامۍ / رێبەر دزێ
نامۍ و دما نامۍ /ئادەم چیفتەچی
شۆنەماو جە ئەڎابیەی /جۆلەمێرگ
نامۍ ئەڎۍ و نامۍ تاتەی /ئاسیە - محەمەد
شۆنەماو کاتو گەشمەرڎەبیەی /١٤و تشرینو دووەمو ٢٠١٩/ هەرێمەکۍ پارێزنای مەدیای
