جە ئەرەیاۋناکەو یۆبیەی جوانا وڵاتپارێزنو کوردەسانی (یەجەوەکە)ینە ئاماژە پانەی دریان جە چوارچێوەو هەڵمەتۆو 'بە ئەرەکۆشایما بیمۍ بە یۆ، چنی ڕابەر ئاپۆی ئازادۍ بیمۍ' پەرە بە چالاکییەکاشا مڎا.

هەر جە ئەرەیاۋناکەینە ئاماژە بە پەنەوازی ئەنجامدای چالاکی چی سەردەمەنە کریان و جەختکریانۆ چانەی گرڎ جۆرە چالاکیێوە جە دژو سیاسەتەکاو دلێنەبەردەی، نکۆڵیکەردەی و سیستەمو ئەشکەنجەی و گۆشەگیری ڕەوای و ئامان: "جوانۍ وڵاتپارێزنۍ کوردەسانی دلۍ ڕیزەکاو یەجەوەکەینە مشۆم پەرە بە مڎرامانی بڎا و دەرەنجامۍ دەسوزا و جە مېڎانەکانە نەکیشیاوە."

ئامارو چالاکیەکا

یەجەوەکە ئامارو چالاکییەکاش جە قۆسەر و ئەدەنەنە ئاشکرا کەرد:

بە پاو ئامارەکۍ جە وێرەگاو ١٣و تشرینو دووەمینە جە دووۍ گەڕەکا قۆسەرینە جوانۍ جە دژو هێزەکاو پۆلیسی مردێنێوە و ڕاشا نەڎان بەیانە مێڎانەکە.

هەر جە ئامارەکێنە ڕۆشنکریانۆ تا نیمەشەوو شەوەو ١٣و تشرینو دووەمی جوانۍ جە ئەدەنەنە بە گولۍ هەوایی، تەوەنی و مۆلۆتۆڤ جە دژو چڼین نوقتۍ پۆلیسی چالاکیشا ئەنجام دان.

جە ئەرەیاۋناکەینە داوا جە جوانا وڵاتپارێزنی ئاپۆیی کریان بە رۆحو جەنگی گەلی شۆڕشگێڵنیوە دلۍ ڕیزەکاو یەجەوەکەینە یۆگێرا و مجیارە مېڎانەکاوە.