ئاژانسوو ئێرنای ئێرانی ئەرەیاۋناش، ۋەرپەرسا ئەمریکای جە ولایەتو نیویۆرکی دماو گلێرۆبیەی جەمەو گرڎی نەتەوە یۆگێرتەکا ھەزار و ١٠٠ پارچە ئاسەوارێش رادەسو مەسعود پزیشیکیانی سەرۆکو ئێرانی کەرڎۍ.

ئاژانسە ئێرانییەکە ئاماژەش پانەیچ کەرڎەن، کە ئا پارچە ئاسەوارۍ پەی سەردەمو ئیمپڕاتۆریەتو ئەخمینییەکا گێڵۆوە کە سەڎەو ششەمو وەڵۍ زایینی ژیۋێنۍ جە پانیشتوو ولاتەکەینە و ئینەیچ ششەمین کارەوانو ئاسەوارین کە ئەمریکا رادەسو ئێرانیش مکەرۆوە.

هەرپاسە ئەرەیاۋناش، ئاسەوارەکۍ جە لایەنو زانشتگەو شیکاگۆیۆ ڕادەسو ئێرانی کریێنێوە کە جە ساڵەو ١٩٣٠ زانشتگەکە جە کاتو ئەوەکۊڵیای و وشکناینە نزیکەو ٣٦٠ ھەزار پارچە تابلۆیۍ تاریخیێش بەمەبەسو ئەوەکۊڵیای چنی ۋێش بەردێنۍ پەی ئەمەریکای.