کوردەسانیا بە گلېرۊبیەیۍ ۋەرفراوان جە شارو وینتەرتوری سویسرای، بە واتەیۆ درووشمۊو پەشتیوانی پەی گەلو مەخمووری گەمارۆ بەردەوامەکۍ حکومەتو عێراقیشا سەرو کەمپو گەشمەرڎە ڕۆستەم جوودی شەرمەزار کەردۍ. جە گلېرۊبیەکەینە کوردەسانیا ئاڵاو وێنەی گۊرەو ڕابەر ئاپۆی شۊکنێنێوە.

سەرو بانگەوازو مېیانو گلېرگەو کوردی دیموکراتیکی وینتەرتوری، جەماوەرو گەلی ۋەردەمو وێستگەو قیتارو مېیانو شارەکەیەنە گلېرۍ بیێوە. چنی گلېرۊبیەیشا گەل کردەوە نایاسایی و دژە مرۆڤایەتییەکۍ حکومەتو عێراقیشا سەرو مەخمووری شەرمەزار کەردۍ.

گلېرۊبیەکەی بە دەیەقێوە ڕێزۋنەگێرتەی دەسشپنەکەرڎ و دماتەر پەیام ۋنیاوە. جە پەیامەکەنە سڵام جە مڎرامان و ۋېڕاگری گەلو مەخمووری کریا و داوا جە ڕای گرڎیی مېیاننەتەوەیی کریا هەڵوێس هۊرگېرۆ و دمایی بە بێدەنگییەکاش بارۊنە. هەرپاسە داوا جە حکومەتو عێراقی کریا دەمودەس دمایی بە گەمارۆکاش بارۊنە.

چالاکییەکە بە بینای کۆنگرێوە ڕۆنامەوانی بە زوانی ئەڵمانی دمایش پنەئاما.