یەریڤانەنە فیستیڤاڵو کەمەنەتەوایەتییەکا لوواڕاوە
کوردەکۍ بە کەلتوورو ۋێشاوە بەشدارۍ بێنۍ جە فیستیڤاڵو یەریڤانینە و کتێبەکەو ڕابەرو گەلوو کوردی عەبدوڵا ئۆجالانی بە زۋانی ئەرمەنی پێشوازیۍ گەرمش ۋنە کریا.
بە دیمەن
یەریڤانو پایتەختو ئەرمەنستانینە فیستیڤاڵو کەمەنەتەوایەتییەکا لوواڕاوە. هەرکەس بە ڕەنگەو ۋێشۆ بەشداریش کەرڎ و کلتوورو ۋێش پێشکەش کەرد، گرووپو هۆرپڕاو زاوڵا وەهاری و هونەرمەند زاگرۆس ڕۆژهەڵات لوۍ سەرو ستەیجی، جلوبەرگ و کەرەسەی کوردی نیشانە دریا.
بەشدارا خێرامایۍ گەرمشا جە کتێبەکەو ڕابەر عەبدوڵا ئۆجالانی بە زۋانی ئەرمەنی کەرد و کتێبەکە جە لایەنو کۆمیتەو کورڎەسانیوە ئیمزا کریا.
هامسەرۆکو دەسەو کورڎەسانی، سیلۆ دربۆیان دەربارەو فیستیڤاڵەکەی قسێش کەرڎۍ، ئەرەیاۋناش بەشداری ئی فیستیڤاڵەیە سەرو نامۍ واڵە و برایەتی گەلا گرنگا، هەرکەس کلتوورو ۋێش نیشانە مڎۆ، ئیمەی کوردیچ چی فیستیڤاڵانە کلتوور و هۆرپڕای و گۆرانیۍ ۋێما پێشکەش مکەرمۍ. گەرەکمانە کلتوورە دۆڵەمەڼەکەیما بە گەلا بشناسمۍ.
مامۆساو گرووپو هۆرپڕای، کیژێ ڕەشۆیانیە ئەرەیاۋناش پەی دلێنە شیەی کلتوورەکەیما بەشداری فیستیڤاڵی مکەرمۍ، چی فیستیڤاڵەو ئێساڵینە ١١ گەلۍ جیاوازۍ بەشدارۍ فیستیڤاڵەکەی بێنۍ.
شارو دیلیجانی ئەرمەنستانیچنە فیستیڤاڵو جلوبەرگی ئەنجامدریا و کوردەکۍ بە جلوبەرگ و واردەو ۋێشاوە بەشدارۍ فیستیڤاڵەکەی بێنۍ.
وێنەو ڕابەرو گەلوو کوردی عەبدوڵا ئۆجالانی جە فیستیڤاڵەکەنە بەرزکریاوە و کتێبو ڕابەرو گەلوو کوردی عەبدوڵا ئۆجالانی بە چاپی ئەرمەنی سەرو بەشداربیارە بەشکریا.
