ئەندامو پارتو یۆبییەی ئەرمەنی یوسف دەروێش جە قسەکەردەیشەنە پەی ئاژانسیما ئاماژەش پانەیەدان پەنەوازا کۆمکوژی سەرو عەلەوییەکا مردۆنە و واتش: "ئانێ ئی کۆمکوژییەشا ئەنجام دان پەنەوازا جە دادگاکا سووریای و دادگا مییاننەتەوەییەکایشەنە دادگایێ کریانە.".

جە قسەکاشەنە یوسف دەروێشی هورسەنگنایش پەی ڕێککەوتننامەکەو بەینو قەسەدەی و حکومەتو دیمەشقی، وە کۆمکوژی سەرو عەلەوییەکا کەرد و واتش: "هەوڵدریۆنە سووریا بە پاو هامسەنگییە مییاننەتەوەییەکا بونیادنریۆوە. گرڏ کەسێ ئا هێزەیە مشناسۆنە کە جە ئیسەنە ئینا دەسەڵاتدارینە. خاوەن ویەردێوە پەڕ جە تیرۆرا. ئامانجشا جە باوەشکەردەو گرڏو گەلا نییا، کەچی باسو فاڕییای مکەرا. جە ماوێوە کوڵەنە پەیوەندیش چنی هێزە مییاننەتەوەییەکا نیانەرە. گرڏ ڕوێ هامسەنگییە سیاسییەکێ فاریانە، ئایش بە پاو ئا فاڕییا یاگێ وێش دیاری مکەرۆ."

'قەسەدە گرڏو پێکئامایەکێش گێرتێنێ وێ'

دەروێش ئاماژەش پانەیەدا جیاوازیێ فرە بەینو حکومەتو دیمەشقی و قەسەدەینە هەن و واتش: "قەسەدە هێزێوە سەروازییا کە گرڏو پێکئامایە جیاوازەکا گێرۆنە وێش. خاوەن ئامانج و بەرژەوەندی هامبەشا. پەشتیوانی گەلی مکەرۆ و بە پاو بەرژەوەندییەکا گەلی جوڵییۆوە. بەڵام ئانێ دیمەشقی بەرا ڕاوە دابەشێ بیێنێ، خاوەن ئامانجێوە هامبەش نیەنێ، هەر یۆ پەی بەرژەوەندی وێش گێڵۆنە. هەتەشە ئا هێزە نییا کە گرڏو گرووپەکا کۆنترۆڵ بکەرۆ."

'ئانێ کە وەرپرسیارێنێ جە کۆمکوژی عەلەوییەکا مشۆم ڕووبەڕوو دادگای کریاوە'

یوسف دەروێش کۆمکوژی عەلەوییەکاش جە شارە کەناراوەکا سووریاینە ئیدانە کەرد و واتش: "دەسەڵاتدارا دیمەشقی ئەشیێ ڕاگیریشا جە کۆمکوژی عەلەوییەکا کەردێ، جیاتی ئانەی هرووژمەکا مدرنانە، وازشا ئارد تا هرووژمەکێ یاوێ ئاستو کۆمکوژی. زاڕۆڵێ و، بەتەمەنێ عەلەویەکا کۆمکوژێ کریێ. ئەر گەرەکمانە ئایندەو سووریای ڕۆشن بۆنە، ئانە مشۆم کۆمکوژیی ڕووەنەرۆنە، ئانێ کۆمکوژیەکەشا ئەنجامدان مشۆم دادگایی کریانە و ڕووبەڕوو لێپرسینەوەی کریانە."

دیمەشق چانەیە یاوانە کە نمەتاوۆنە بە تەنیا سووریای بەرۆ ڕاوە

یوسف دەروێش 'کۆنفرانسو دیالۆگو سووریا'یش ڕەخنە کەرد کە نوێنەرایەتی گەلوو سووریایش نەکەردەن و واتش: "ئا کۆنفرانسە کە بە یەک ڕەنگ و یەک عەقڵیەت لواڕاوە، قبووڵ نەکریا. وەرو ئانەی ئێمە نییەنمێ جا باوەڕێنە کە یەک عەقڵیەت ویەک ڕەنگ متاوۆنە قەیرانو سووریای چارەسەر بکەرۆ. هەرپاسە ڕێککەوتەو بەینو هێزەکا سووریای دیموکراتیکی و دیمەشقی ئانەش نیشانەدا کە یاوێنمینە سووریا بە یەک عەقڵیەت مەلۆ ڕاوە. ئانەی گرنگا مسۆگەرکەردەو ئایندەو سووریاین."

ئایندەو سووریای بە مۆدێلو وێڕاوەبەری بۆنە

یوسف دەروێش ئاماژەش بە مڏرامانو قەسەدەی و سەرکۆتەکا ئیدارەو وێڕاوەبەری و ڕێککەوتەی چنی حکومەتو دیمەشقی دا و واتش: "جە سەرنیشتوو و وەرکەوتوو سووریاینە ئیدارەو وێڕاوەبەری هەن. هێزێوە پێسەو قەسەدەی هەن. تەنانەت ئەر ئا ڕێکەوتنەیچ نەبیێ، هێزی تەمامش پەی ڕاوەبەری هەرێمەکەی بی. جە پەروەردۆ گێرە هەتا ئابووری، لە دیپلۆماسییۆ هەتا سیاسەت و لایەنی سەروازی بەڕێکوزتەین. چنی ئانەیچ، لایەنگرو یۆگێرتەی و پێوەرە ژیواین. پی ڕێککەوتنەیە متاومێنە واچمێنە ئایندەو سووریای ئیتر دیار بییەن. جە سووریانە جگە جە گەلوو عەرەبی گرڏ گەلێ تەر مافش پارێزیۆنە. فرەو گەلوو کوردی پێسەو هامووڵاتی خاوەن مافێ نەبیینێ و جە ڕێککەوتننامەکەنە مافو گەلا بەبێ جیاوازی ڕەگەزی و ئایینی ڕێزس ونە گیریۆنە. سەرکۆتەکێ ئی ڕێککەوتنەیە سەیەو ئەوەکۆشای و بەرهەمەکێ ئیدارەو وێڕاوەبەرییۆ بەدی ئامێنی. پۆکەی بەدڵنیاییۆ ئایندەو سووریای بە مۆدێلو ئیدارەو وێڕاوەبەری دیموکراتیکو سەرنیشتوو و وەرکەوتوو سووریای جێگیر بۆنە."

داواش پەی سیاسەتو دیموکراتیکی

یوسف دەروێش ئاماژەش بە گرنگی بێدەنگ کەردەو چەکی و بنیات نییاو سیاسەتو دیمۆکراتیکی  جە سووریانە کەرد و واتش: " مشۆم وڵاتێوە چانە بنیات بنریۆ کە بییەو گرڏو گەلا جە وێ گێرۆنە و گەلا تاوانە بە ئازادیی بە زوان و کلتوورو وێشاوە ژیوانە. گەلێ مشۆم بە مافو سروشتی و جەوهەریەکا وێشاوە بژیوانە. هەرپاسە مشۆن ئیسفادە جە ئەزموونو مۆدێلو وێڕاوەبەری دیموکراتیکو سەرنیشتوو و وەرکەوتوو سووریای هورگێرانە."