ئۆزەل جە وانەنە: پرسو کوردی هەن، مشۊم جە پەرلەمانەنە هەنگامە بنریۆ
سەردارو گرڎینو جەهەپەی ئۆزگور ئۆزەل جە وانەنە قسێش کەرڎۍ و واتش، "پرسو کوردی هەن"، ئۆزەل، سەبارەت بە ئەرەیاۋناکەو پەکەکەی دەربارەو کۆنگرەی، ئەرەیاۋناش کە مشۊم پەرلەمان هەنگامە بنیۆ.
دماو زینانیکەردەی سەرۆک شارەوانی گۊرەشارو ئیستەنبوڵی ئەکرەم ئیمام‌ئۆغلوی، جەهەپە حەر حەفتێوە جە شارێنە گلېرۊبیەی ئەنجام مڎۆ. گلېرۊبیەو ئی حەفتەیە جە وانەنە ئەنجامدریا و چنەشەنە سەردارو گرڎینو جەهەپەی ئۆزگور ئۆزەل قسێش کەرڎۍ.
ناڕەزایەتی دژو قەیومی
ئۆزەل ڕەخنەش گېرت جە نیایرەو قەیومی جە وانەنە، ئەرەیاۋناش ڕێز جە ئیرادەو گەلی نەگیریان. جەختش کەرڎۆ، ئی ڕەفتارە دژمنایەتییا ۋەرا ۋەر بە ئیرادەو گەلی و بەتایبەت دەنگدەراو کوردی. ئاماژەش پانەی کەرڎ، بە نیایرەو قەیومی جە وانەنە، زەرەر لاو گەلی یاوان.
پرسو کوردی هەن و مشۊم جە پەرلەمانەنە هەنگامە بنریۆ
ئۆزگور ئۆزەل واتش "پرسو کوردی هەن"، ئەرەیاۋناش کە چارەسەر بە دیموکراسی و یۊبیەی مېنە دی. ئۆزگور ئۆزەل ئاماژەش پانەیە کەرد، نمەبۆ نکۆڵی جە پرسو کوردی بکریۆ، مشۊم ئی پرسە بە جدییەت و شەفافانە جە پەرلەمانەنە و بە ڕێککۊتەی کۆمەڵایەتی چارەسەر بکریۆ.
ئۆزەل تەئکیدش کەرڎۆ، پەنەوازا سیستەمو قەیومی دمایش پنە بۍ و زینانیا سیاسی ئازاڎۍ بکریا. جەختش کەرڎۆ، پاڵپەشتی جە تورکیایۍ بێ تیرۆری مکەرا و واتش هەر وەخت دەسەڵات گێرانە دەس، واڵەو_برایەتیی حەقەتینەو بەینو گەلاو تورک و کوردی بنیاڎ منیا.
