ئەنداماو جەهەپەی سەرشا ۋنەو تەعزیەو ئۆندەری دا
سەرۆک شارەوانییەکۍ جەهەپەی و چنین کەسۍ سەرشا ۋنەو تەعزیەو ئەندامو شاندو ئیمراڵیی سری سورەیا ئۆندەری دا جە ماواو ۋێشەنە جە سەمسور.
تەعزیەو سری سورەیا ئۆندەری جە ماواو ۋێشەنە جە سەمسور دووەم ڕۊشەنە بەردەواما.
سەرسەعبۊن سەڎان کەسۍ سەردای تەعزیەکێشا کەردەن و سەرەوەشی ۋێشا یاونا. جە سەمسور و دیلۆک و ڕحا و مەرەش و مەلەتی و ئامەد و سەرانسەرو کوردەسانی و تورکیایۆ، دۆساو ئۆندەری سەرشا ۋنەو تەعزیەکۍ دان و سەرەوەشی ۋێشا یاونان.
براو سری سورەیا ئۆندەری، عەلی ئۆندەر و بنەیانەکەش خێرامای مێمانەکاشا کەرڎ، پەرلەمانتاراو دەم پارتی عەلی بۆزان و دیلان کونت ئایان و فەرید شەنیاشار و عومەر ئۆجالان و سەڤیلای چەلەنک، ئەنداماو ئەنجوومەنو ئەڎایا ئاشتی ڕحای و سەمسوریچ بەشدارۍ بێنۍ جە تەعزیەکێنە.
سەرۆک شارەوانی گۊرەشارو ئەدەنەی، زەیدان کارالار بەشداری تەعزیەکێش کەرد، سەرۆک شارەوانی سەمسوری عەبدولڕەحمان توتدەرە و شاندو جەهەپەی یاوەریش سەرەوەشیشا جە بنەیانەو ئۆندەری کەرد.
سەرۋنەدایەکۍ پەی تەعزیەکۍ بەردەوامێنۍ.
