جە ڕوێنە پەنج کەسۍ جە سووریانە کوشیێنۍ
جە ناوچەکا چېرو هەیمەنەو دەسەڵاتو دیمەشقینە پشێوی ئەمنی بەردەواما. جە ٢٤ سەعاتی ۋېیەردەنە پەنج کەسۍ بە قۊمیای جیاواز کوشیێنۍ.
بە پاو ڕوانگەی سووری پەی مافەکا مرۆڤی، جە ماوەو ٢٤ سەعاتا ۋېیەردەینە پەنج کەسۍ جە سووریانە جە قۊمیای جیاوازەنە کوشیێنۍ.
جە حەمانە پیێوە ٥٠ ساڵ بە گولـلۍ هرووژمکەرۍ نەشناسیای نزیک بە مېیانو کەلتووری جە جاڎەو ئەل عەلەمەینینە کوشیا. جە دەگاو ئەل جەلماو حەماینە جە ئاکامو ئەوەتەقایۆ بۆمبێوەنە زاوڵێوە گیانش جە دەسدا.
جە ڕەقەنە ژەنێوە بەمەڵامەتو ئەوەتەقایۆ ئەڵغامېوە نزیک بە ناوچەو مەنسورەی گیانش جە دەسدا.
حومسەنە، جەمۍ چەکڎارۍ نەشناسیۍ موختارو گەڕەکەو ئەل وەعریانیشا کوشت، حەلەبەنە ئەندامێوە وەڵینو هێزەکاو ڕژێمو بەعسی جە لایەنو دووۍ چەکڎارۍ نەشناسیێوە جە گەڕەکەو ئەل ئەنسارینە کوشیا.
جە فرەو هەرێمەکاو چېرو هەیمەنەو دەسەڵاتو دیمەشقینە نائارامی و پشێوی بەردەواما.
