شارو ڤینتەرتوری سویسراینە پەی ئەندامو شاندو ئیمراڵیی دەم پارتی سری سورەیا ئۆندەری مەراسیمو یاڎکەردەیۆ لواڕاوە.

مەراسیمەکە جە مېیانو گلېرگەو کوردی دیموکراتیکی ڤینتەرتورینە ئەنجامدریا، مەراسیمەکە بە دەیەقێوە ڕێزگێرتەی پەی سری سورەیا ئۆندەری و گەشمەرڎا مانگۊو ئایاری دەسش پنە کەرد.

دماتەر ئەندامو جەمەو بنەیانەو گەشمەرڎا شەمسەدین تونچ، ئەندامۊو کۆمیتەو ژەنا گەشمەرڎە ئارژین گارزانۍ ڕوکەن ئامەدە و بە نامۍ مېیانو جەمەو کوردی دیموکراتیکی، کامبەر چاگلان قسېشا کەرڎۍ.

شەمسەدین تونچ ئەرەیاۋناش سری سورەیا ئۆندەر گرڎو ژیوایش تەرخانکەرد پەی ئاشتی و ئازادی، پۊکەی ئاڎێچ خاوەنداری جە ئەوەکۊشای و میراتەکەیش مکەرا.

ڕوکەن ئامەدە واتش: "گرڎو ژیوایش پەی ئاشتی و ئازادی تەرخانکەرد، پېسە ئانەی پەکەکە دەسنیشانش کەرد، بۊنەو دیموکراسیۆ گەشمەرڎە بی".

دماتەر کامبەر چاگلان سەرنجش وست سەرو کۊششەکا ئۆندەری پەی ئاشتی و دیموکراسی.

دماتەر فیلمو " Beynelmilel" جە بەرئاوردەی و سیناریۆ و ئەرمانای سری سورەیا ئۆندەری، تەماشە کریا.