نوسینگەو ئەرەیاوناو دەم پارتی جە ئەرەیاوناکەینە واتش: "جە بڕێ دەزگا میدیاییەکانە بڕێ هەواڵێ دەربارەو هەوڵو تیرۆرکەردەو سری سورەیا ئۆندەری ئەندامو شاندو ئیمراڵیی دەم پارتی و یاگەگیرو سەرۆکو پەڕلەمانو تورکیای وەڵاکریانۆ. پۆکەی بە پەنەوازما زانا دەربارەە ئی بابەتەیە بڕێ ڕوونکردنەوێ دەیمێنە."

جە بەردەوامی ئەرەیاوناکەینە ئامان: " ڕۆو ٢ـی نیسانی، سایەقو ترۆمبێلەکەو سری سورەیای جە کات سایەقینە، گومانەش جە دەنگو تایەو تڕۆمبێلەکەیش کەردەن و پۆکەی تڕۆمبێلەکەش بەردەن پەی وشکنای، جە ئەنجامو وشکناکەینە، پەشتەو تایەو چەپو تڕۆمبێلەکەیۆ ئاسنێوە تیژ ئیزیانۆ، کە کریێ تایەو تڕۆمبێلەکەی تەقنۆنە."

جە دما دماو ئەرەیاوناکەینە باس جە ئاگاداری سری سورەیا ئۆندەری جە هەواڵەکەی کریان و ئامان: " ئۆندەر ڕووەداکەیش بە دەسەو ڕاوەبەرایەتی دەم پارتی ئەرەیاونان و لواشۆنیرەی و هورسەنگنای پەنەواز ئەنجامدریان. هەم پارتەکاما و هەمیچ ئێژا ئۆندەر جە نزیکیۆ لواشۆنیش پەی بابەتەکەی کەردەن، بەمەڵامەتو هەستیاریی دۆخو ئەوەکۆڵییاکەی، ڕووەداکەی پەی ڕاو گرڏی نە ئەرەیاویان، سەبارەت بە ئەوەکۆڵییای و ونە پەرسایۆ هەڵای هیچ ئەنجامێوەما پنە نەیاوان."