ڕێکوزیا و ئیکۆلۆژی کوردەسانی جە ئەورووپانە (تەڤ-ئیکۆ) و ڕێکوزیا و ژیوگەی (Klima Streik) سویسری جە شارو بێرنینە دەربارەو تێکشییەو کەشوهەوا و جەهانی و تاڵانو ئیکۆلۆژی جە کوردەسانەنە پانێڵێوەشا ڕێکوست.
پانێڵکە جە مییانو پۆلەتیک بیبلۆتیکینە ڕێکوزیا و دلێشەنە ئیکۆلۆژیست، ڕێکوزیا ژیوگەیەکێ سویسرای و ئەندامێ مییانو گلێرگەو دیموکراتیکو کوردا بێرنی بەشدارێ بێنێ.
جە پانێڵکەنە هورسەنگنای پەی کاریگەرییەکا سیاسەتو دۆڵەتا سەرو ژیوگە و کوردەسانی و تێکشییەو کەشوهەواو جەهانی کریا.
حەر جە پانێڵکەنە چالاکوانە ژیوگەیە سویسرییەکێ و توێژینەوە ژیوگەیەکێشا وستێ ڕووە کە بەشێوێوە مەیدانی جە ئامەد، شڕناخ، وان و ئیلح ئەنجامشا دان و دەستنیشانشا کەرد وشکەردەو سەرچەمە ئاوییەکا، سۆچناو دارستانەکا و دایوەنە و کانە کانزییەکا ژیوگەو هەرێمەکەیشا بەرەو دلێنە بەردەی بەردەن.
جە بەردەوامی پانێڵەکەینە چالاکوانەو ژیوگەی سەلما قەرەسوو ئەندامەو تەڤ-ئیکۆ باسش جە هەرمانە و ڕێکوزیاکەیشا کەرد کە جە ئەورووپانە ئەنجامشا دان.
پانێڵکە بە کۆدەنگی و بانگەواز پەی هەرمانێ پێوەرەی ژیوگەی دمایش ئاما.
