بەگوێرەی راپۆرتی ئەنجوومەنی ISIG، لە چوار مانگی یەکەمی ئەمساڵ ٢٠٢٥دا ٦١١کرێکار گیانیان لەدەستداوە. ISIG ڕایگەیاند لە مانگی نیسان ١٥٢کرێکار ژیانیان لەدەستداوە کە  ٨ منداڵ، ٤ ژن و 7 کەسی پەنابەریان تێدایە.

ISIG ئاماژەی بەوەکردووە کە زۆرترین حاڵەتی مردنەکان لە بەشی بیناسازی، گواستنەوە و کانەکان و کشتوکاڵدا بووە. هەروەها لە ڕاپۆرتەکەدا هاتووە کە کرێکارانی تۆمار نەکراو، کرێکارانی دارستان و شۆفێرانی ڕێگای دەرەوە لە مەترسیدان.

ISIG ئاشکرای کردووە کە لە ماوەی ١٢ساڵی ڕابردوودا بەلانی کەمەوە  ٧٦٤ کرێکاری مێرمنداڵ گیانیان لەدەستداوە.بەو بۆنەوە ISIG بانگەوازی تەدبیری بەپەلەی کرد.