دۆڵەتو هندستانی ئەرەیاوناش پاکستان جە ڕۆو چوارشەممەیۆ بە تۆپە هرووژم ئەنجام مڏۆنە و تا ئیسە ١٣ هاموڵاتیێ مەدەنیێ کوشیێنێ و ٥٩ کەسێ تەرێچ زامڏارێ بیێنێ.

بە پاو ئەرەیاوناکا جە دەگاو سەرنیشتوو وەرنیشتوو کشمیر، ١٣ کەسێ گیانشا جەدەسدان و ٤٤کەسێ تەرێچ زامڏارێ بیێنێ.

گرژییەکێ دماو هرووژمە ئاسمانییەکا هندستانی جە ٢٢ی نیسانی پەی دلێ خاکو پاکستانی دژو گروپێوە چەکدار " کە وەرپەرسو هرووژمەکەو سەرو هیندسانی بییەن، دەسش پنەکەرد.

هەرپاسە پاکستان جە جواب و هرووژنەکانە جە ناوچە سنووریەکا دەسش بە تۆپواران کەردە و هیندوسانی کەردەن. جە ئەنجامو هرووژمەکانە هەردوولا بە لانی کەمۆ ٤٣ کەسێ ژیوایشا جەدەسدان.

سەرۆکوەزیران و پاکستانی شەهباز شەریف، جە پەیامێوەنە ئەرەیاوناش: "تۆڵەو حەر قەترێ ونە و گەشمەرڏەکاما مکەرمێوە". هامکاتەنە وەزیرو وەرگری ئەرەیاونانش، وڵاتەکە جواب و هرووژمەکا مڏۆوە.

هەرپاسە سوپاو هندستانی ئەرەیاوناش جوابێ' حەقشا دانۆ' بە هرووژمە بێ بەهانەکا.

شایانو باسین هەر دووی وڵات جە ساڵەو ١٩٤٧ـی ناکۆکیشا سەرو کشمیر هەن، وەڵتەرێچ جەنگ  و گرژی بەینشانە ڕووەشدێنە. بەڵام ڕووەدایەکا ئی دماییەی تەرسەو جەنگێوە تازەی جە هەرێمەکەنە شۆنەو وێشەرە مارۆنە.