دوانزەهەمین کۆنگرەو پەکەکەی جە میدیا عەرەبییەکانە
دوانزەهەمین کۆنگرەو پەکەکەی بی بە ڕۆژەڤو میدیا عەرەبییەکا. مانشێت و نامونیشانە سەرنج کێشەکۍ، گرنگی کۆنگرەکەی و چەمەڕاییەکۍ پەی قەرارەکا کۆنگرەکەی نیشانە مڎا.
ئەرەیاۋنای دوانزەهەمین کۆنگرەو پارتو کرێکارا کوردەسانی (پەکەکە) جە ڕۆژەڤو میدیا عەرەبییەکایچەنە یاگێوە ۋەرچەمش گێرت. میدیا عەرەبییەکۍ چەمەڕۍ ئەرەیاۋنای "قەرارە تاریخیەکانۍ" کە کاریگەری سەرو ئاژەو تەمامو هەرێمەکەی منیۆرە.
کۆنگرەکە جە نامونیشان و مانشێتەکانە پێسە باسکریان:
ڕۆنامەو ئەلعەرەبی: کۆنگرەو پارتو کرێکارا کوردەسانی کاریگەری ئەرێنیش سەرو تورکیا و عێراق و سوریای مەبۆ.
سکای نیوزی عەرەبی: پارتو کرێکارا کوردەسانی "قەراری تاریخی " مڎۆ و پی زوانە وەڵا مکریۆوە.
تەلەفزیۆنو "الحدث"ی: پارتو کرێکارا کوردەسانی "قەراری تاریخی " ئەرەیاۋنۆ.
ئەلعەرەبیە: دماو ئەرەیاۋناکەو پەکەکەی، هەنگامە "تاریخیەکۍ" چێشۍ با؟
ڕۆنامەو ئەلقدس ئەلعەرەبی: سەرو بانگەوازو ئۆجالانی پارتو کرێکارا کوردەسانی، کۆنگرەش بینا و "قەراری تاریخیش" دا.
ڕۆنامەو ئەلشەرقی: دماو دەسوەڵێوستەکەو ئۆجالانی، "قەرارە تاریخیەکۍ" پارتو کرێکارا کوردەسانی.
ئەلسۆمەرییە تیڤی: پارتو کرێکارا کوردەسانی دوانزەهەمین کۆنگرە بینۍ و "قەراری تاریخی" مڎۊ.
ڕۆنامەو ئەلشروقی: پارتو کرێکارا کوردەسانی دوانزەهەمین کۆنگرەو ۋێش بینۆ و "قەراری تاریخی" مڎۊ.
تەلەفزیۆنو ئەلعالەمی: پارتو کرێکارا کوردەسانی پی زوانە قەرارە تاریخیەکا ئەرەیاۋنۆ.
ڕۆنامەو ئەلنەهاری: هەنگامېوە گرنگە؛ پارتو کرێکارا کوردەسانی کۆنگرەش بینا و "قەراری تاریخیش" دا.
