ئێشکگیری دادپەروەری ئەمینە شەنیاشارۍ کە هامژین و دوێ کوڕېش جە ١٤ و حوزەیرانو ٢٠١٨ جە مەنتیقەو پیرسوسی ڕحای جە لایەنوو پاسەواناو قۆما پەرلەمانتاری وەڵینوو ئاکەپەی ئیبراهیم خەلیل یەڵدزیۊ کوشیێ، بەردەواما. ئێشکگیری دادپەروەەری شەنیاشارۍ و فەرید شەنیشاری کوڕش کە پەرلەمانتارو پارتو یەکسانی و دیموکراسیی گەلا (دەم پارتی) ڕحایا، ١٢٣ ڕوێن ئەنقەرەنە بەردەواما.

سەرۆکی گرڎینوو جەهەپەی ئۆزگور ئۆزەل و شاندی یاوەرش سەردای ئەمینە شەنیاشارېشا کەرد. ئەمینە شەنیاشارە داواش کەردە ئی ستەمە دمایش بۍ.

کوڕو شەنیاشارۍ و پەرلەمانتاروو دەم پارتی، فەرید شەنیاشار ئەرەیاۋناش ١٢٣ ڕووېن ۋەروودەم و وەزارەتوو دادینە شۊنەو دادپەروەریرە گېڵا.

ئۆزگور ئۆزەل لوا لاو شەنیاشارۍ و واتش: "منیچ ئینانی چنیتا. ئەرەکۊشای ئەڎېوە دڵسۊتۍ و پەرۍشانۍ و مانیۍ، بەرش وزۆ چڼە بەقوەت و کاریگەرا. من ئینانی چنی کۊششە ڕەواکەیتا. ۋەرگیری جە دۆزە ڕەواکەیتا مکەروو".