ڕێکوزیاو ژەنا ئازاڎیی کوردسانی (ڕژاک) ئەرەیاۋناش، بەشڎاری جە هەڵمەتەو "ئازاڎیی پۍ عەبدوڵا ئۆجالانی، چارەسەری سیاسیی پۍ پەرسوو کورڎی" کەرۊ. ئاماژەش پانەیچکەرڎ، "جە کەسایەتی ڕابەر ئۆجالانینە گەرەکشانە تەماموو گەلوو کورڎی و مرۆڤایەتی بێدەنگ کەرا و خنیکنا.
ڕێکوزیاو ژەنا ئازاڎیی کوردسانی (ڕژاک) جە ئەرەیاۋنېوەنە ۋەڵاش کەرڎۊ، بەشڎاری جە هەڵمەتەو "ئازاڎیی پۍ عەبدوڵا ئۆجالانی، چارەسەری سیاسیی پۍ پەرسوو کورڎی"نە کەرۊ.
جە بەشێوە ئەرەیاۋناکەو ڕژاکینە ئامان، ئێمە پېسە ڕێکوزیاو ژەنا ئازاڎیی کوردسانی، سڵام جە هەڵمەتەو ئازاڎیی پۍ ڕابەر ئۆجالانی کەرمۍ، دەوڵەت-نەتەوە و سەرمایەداری کە فەلسەفەو ڕابەر ئاپۆی پېسە مەترسیېوە گەورەی پۍ دەسەڵات و ۋېشا ۋینا و کەوتېنۍ دلۍ هەرمانېوە فرە پیسۍ و دڕنڎانۍ، ئانە ٢٥ ساڵېن ڕابەرەکەما جە ئیمراڵینە ئینا چېروو گۆشەگیریېوە قورسینە ، جە کەسایەتی ڕابەر ئۆجالانینە گەرەکشانە تەماموو گەلوو کورڎی و مرۆڤایەتی بێدەنگ کەرا و خنیکنا، جارێوەتەر بەمەڵامەتوو ڕابەر ئۆجالانیوە ئینسانەکۍ سەرجەنۊ ژیۋېوە، جە هەمان وەختەنە ڕابەر ئۆجالان نامېش ڕاو سەرکۊتەی و ڕاسییا.
ڕژاک ئاماژەش پانەیچ کەرڎەن، کۊشیای ڕابەر ئۆجالانی کە جە عمری ٧ ساڵینە دەسش پنەکەرڎەن، جە دژوو گرڎ دماکۊتەیۍ هەنگامە و هوشیاری ئاڎی سەرکۊت، جە هەمان وەختەنە ئا کۊشیایە پۍ تەماموو ژەنا و مرۆڤایەتین، کۊشیایېن پۍ ئازاڎیی گلېرگەی دیموکراتیکی، ئیکۆلۆژیی و ئازاڎیی ژەنېن، حەر پېسە ڕابەر ئۆجالان ماچۊ، "کۊشیای من هەرێمی نییا، گەردوونیا".
جە دمادمایی ئەرەیاۋناکەینە ئامان، ئازاڎیی جەستەی ڕابەر ئۆجالانی ئەرکوو تەماموو جەهانیا و جە سەرەتانە ئەرکوو گرڎوو ژەنان، ئێمەیچ پېسە ڕژاکی بە بەرزکەرڎەیۊ کۊشیایما بەشڎاری ھەڵمەتەو 'ئازاڎیی پۍ ڕابەر ئۆجالانی و چارەسەروو پەرسوو کوردی' بیمۍ و ئازاڎیی جەستەی ڕابەر ئۆجالانی مسۆگەر کەرمۍ.
