گۆڤارو ئازاڎیی گلېرگەی گۆڤارێوە هزری-سیاسی-گلېرگەین و وەرزانە بەرمشۆ و سەرو پرسەکا گلېرگەی جە ڕوانگەو نویسەرا و ڕۆشنۋیراوە مردۆ.

چی ژمارەو گۆڤارەکەینە بە تایبەت هەڵوێسە سەرو پرسو ئایدۆلۆژیای کریان؛ وە کاریگەرییەکۍ ئایدۆلۆژیای سەرو کۆو گلېرگەو ۋەرکۊتوو مېیامینی وزیان ۋەرو باسی.

چی ژمارەیەو گۆڤارەکەینە وتارێوە تێروتەسەلەو جەمیل بایکی هامسەرۆکو کۆما جڤاکێن کوردەسانی (کەجەکە) بە نامونیشانو 'ئایدۆلۆژیا؛ ئامیانو ئازادیی، بیەی و یۊبیەین' سەرو شیکەردەیۆ و هۊرسەنگنای پرسو ئایدۆلۆژیای ئامان.

چی ژمارەو گۆڤارەکەینە جەمۍ وتارۍ تەرۍ چ بە هۊرگێڵنای چ بە نویستەی جە لایەنو نوویسەرا و ڕۆشنۋیرا جوانیوە سەرو پرسو ئایدۆلۆژیای وەڵاکریێنۍ.

شیاوو باسیا؛ جە چن ڕۊی ئایندەنە وتارەکۍ جەمیل بایکی هامسەرۆکو کەجەکەی کە پەی گۆڤارو ئازاڎیی گلېرگەیش نویستێنە جە ماڵپەڕو ئاژانسو هەواڵو فوراتینە بە شێوەزارو کورمانجی دلېڕاسەی (سۆرانی) منریۆرە.